Nič vas ne stane, da ste dobrodelni!

Порталот Рингераја.мк од самиот почеток се стреми кон помагање онаму каде е потребна помош. Поради поголема професионалност и организација на хуманитарните активности, се основа Дану Филантропија ЈИЕ (Југоисточна Европа), која преставува подружница на Словенечката Дану Филантропија. Дану Филантропија ЈИЕ го користи интернетот како медиум и помага таму каде е потребна помош, притоа дејствувајќи брзо и ефикасно и опфакајќи поголем дел од целната група. Филантропските активности се локални и интернационални. Помош се нуди на поединци, друштва, организации, пред се на бремени жени, деца во претшколска возраст, како и нивни старатели и родители. За остварување на своите цели и задачи Дану Филантропија ЈИЕ остварува соработка со организации и институции кои имаат за цел да придонесат за среќно и здраво детство и родителство.

Правилник на Дану Филантропија ЈИЕ

Дану Филантропија ЈИЕ преставува непрофитабилна организација и нејзиното дејствување е со помош на донации. Поради тоа што сакаме работењето на Дану Филантропија ЈИЕ да биде транспарентно и јасно, подготвивме и правилник. Евентуалните забелешки и дополнувања во врска со овој правилник може да ги испратите на следната е-адреса: filantropija@danu.biz.

Какви акции поддржува Дану Филантропија ЈИЕ и во нејзини рамки и Рингераја.мк?

Дану Филантропија ЈИЕ помага на:

- Организации, здруженија, фондации во Македонија и надвор од границите на Македонија.
- Поединци и семејства, кои се нашле во неволја и потербна им е помош во најкратко можно време. При тоа предност имаат оние кои не можат да добијат од државни институции и/или хуманитарни организации.

Објавувања на форумите за филантропија на Рингераја.мк веб порталот

Сите можете бесплатно и едноставно, во рамките на делот одреден на порталот, сами да објавувате пораки, како за барање помош, така и за нудење помош. Притоа Дану Филантропија ЈИЕ не е организатор на акциите и не ја проверува веродостојноста на податоците. Поедините корисници можат самостојно да се одлучат, дали акцијата ќе ја поддржат на нивна сопствена одговорност. Дану Филантропија ЈИЕ се придржува кон правилото, во склад со правилата за употреба на порталот соодветно да го модерира форумот. Во случај на злоупотреба го зачувува правото, акцијата да ја прекине.

Облик на помошта

Дану Филантропија ЈИЕ може како помош да ги употреби фондовите кои се наменети за таа цел. Тие средства се наменети пред се за акции, при кои брзиот одзив е од критично значење. Дану Филантропија ЈИЕ може исто така да организира собирање на финансиски и материјални средства од корисниците на своите веб портали. Да понуди помош при организација и изведба на други акции и помош при придобивање на здравствени помагала и лекарства.

Лични податоци

Сите лични податоци, од оние кои ќе побараат помош, и од оние кои ќе понудат помош се заштитени во согласност со законост за заштита на лични податоци. Личноста, која ја добива помошта може во договор со екипата на Рингераја.мк сама да одлучи кои податоци ќе бидат посредувани во јавност (тука се вбројуваат и објавите на порталот или во други медиуми со кои соработува или би соработувала Дану Филантропија ЈИЕ). За злоупотреба на тие податоци од страна на трето лице, екипата на Рингераја.мк не превзема никави одговорности. Фотографии ќе бидат објавени само со дозвола на приемникот на помош.

Тек на акцијата

Текот на акцијата е зависен од природата на поедини акции и е во согласност со приемникот на помошта. Дану Филантропија ЈИЕ по сопствена одлука ќе ги користи сите извори и партнерски конекции, акцијата да се изврши успешно. На порталот корисниците ќе бидат навремено известени за текот на акцијата и опсегот на собраната помош.

Избегнување на злоупотреба

Управниот одбор на Дану Филантропија ЈИЕ на свој начин ќе направи проверка на предложувачите на акциите и ќе ги поддржи оние акции, кои најдобро се усогласуваат со нејзината мисија, цели и задачи. Дану Филантропија ЈИЕ не превзема никакви одговорности во случај на злоупотреба. Доколку дополнително се увиди дека барателот на помош во своето барање внел лажни податоци, податоците ќе бидат проследени до соодветните судски органи, кои ќе постапат по работната должност. Податоците за злоупотреба исто така јавно ќе ги објавиме и со сите средства ќе се обидеме да ја направиме невозможно понатамошната злоупотреба на податоци.

Рингераја дружење – микс на игра, забава и хуманост 24 октомври 2009, игротека “Тиквичка”, многу игра, забава, изразување хуманост, наградување и многу, многу насмевки беа дел од Рингераја дружењето. Дружењето имаше хуманитарна нота, бидејќи сите кои имаа, можеа, сакаа донесоа стара облека, играчки, опрема, и донираа на претставниците од Црвен крст. На дружењето имаше претставници и од наши сегашни и идни соработници и партнери, новинарски екипи кои го овековечија нашето дружење, како и многу слики кои ги направија самите родители. Искрена благодарност до сите наши партнери и соработници (Игротека тиквичка, Би-МЕК, Премаман, Фрродо, Бекутан, Форд, Младинска книга, Етерна Дент, Office Plus, Ненико, Шарлота) кои преку соодветни награди го направија дружењето позабавно.

Заедно растеме со децата без родителска грижа Хуманоста е највозвишена човекова карактеристика. Ако свеста за хуманоста ја нема, таа треба да се насади, да се одгледува, како цвеќе, како фиданка. А ние од Рингераја уште еднаш докажавме и покажавме дека сме хумани и секогаш подготвени да помогнеме токму онаму каде што треба, но да ги поттикнеме и останатите да бидат хумани. Овој пат причината за овој хуманитарен настан не беше обична, овој пат беше посебна приказна, приказната за нашето семејство Рингераја, кое една година успешно растеше секојдневно. Причината за реализација на хуманитарната роденденска акција „Заедно растеме со децата без родителска грижа“ беше првиот роденден на Рингераја.мк. Искрена благодарност испраќаме до сите Рингераја корисници, до Господинот Брајан Бергант амбасадор на Република Словенија, продукција Република, Црвен Крст на град Скопје, Нептун, Крашкомерц, Би-Мек, Paneks marketing communication, Фроддо, Премаман, Уни Банка, Игротека Би Хепи, Елит Кафе, Др. Стамболиев, студио Леонтич, слаткарници Карамела и Канела, млечен ресторан Македонско сонце, СТ Продукција и до нашите домаќини домот “11. Октомври”.

Како да предложите нова акција?

Вашето барање за помош во пишана форма испратете го на адресата filantropija@danu.biz. Притоа колку е можно поопширно опишете ја акцијата која ја предлагате. Исто така може да предложите или да понудите помош на оние кои имаат потреба од помош, притоа треба да добиете согласност од личност за кого е наменета акцијата.
Во предлогот треба да наведете точен и детален опис на ситуацијата, по потреба може да приложите и фотографии. Исто така приложете и податоци на личноста/семејството, на кого е наменета помошта и податоци на предлагачот: име, презиме, адреса и контакт телефон.
Управниот одбор на Дану Филантропија ЈИЕ предлог акцијата ќе ја обработи во најкратко можно време. Притоа управниот одбор ќе донесе одлука дали дадената акција ќе ја поддржи или не.
Управниот одбор има право:
- сам да одлучи за приоритетот на добротворните акции;
- да ги одбие акциите или да ги одложи за друг период;
- своите одлуки за изборот или за одбивање на акциите да не ги аргументира.

Кој може да предложи нова акција?

Нова акција може да предложи поединец на кого му е потребна помош, сам или наместо него тоа да го направи трето лице. Здруженија или организации може да потражат помош за своите активности, за помош на поедини нивни членови или за некоја трета личност. За помош на здруженија или организации помош може да побараат исто така и трети личности.