Octavia
|
Екстерново тестирање како идеја не е лошо, ама праксава кај нас е трагикомична. Еве денес, по 6-ти пат има НОВИ списоци кај син ми на училиште. Се менуваат предмети во последен момент, се менуваат дати, се менуваат списоци на секои 2 дена... Не можам да ви го доловам стресот на децата. Од друга страна, како ова да не е малку, НИКОЈ конкретно не кажува какво ќе биде тестирањето по некои поспецифични предмети, на пр. по математика- дали прашањата ќе бидат теорија, дали ќе има и задачи, дали ќе има само теорија или само задачи. Посебно збунува фактот што тестот морал да има 30 прашања... па кое дете ќе реши 30 задачи за 1 час?! Секогаш и секаде кога се полага има насоки, на факултет има испитни прашања, па си знаеш што те чека. Ако е предмет со задачи си имаш и збирка со испитни задачи, па бујрум, спремај се...
А најреални да бидеме, со еден тест не може да се утврди знаењето на ученикот, посебно не кога од МОН бараат во крајната оценка да се земе во предвид резултат од писмено одговарање, резултат од усно одговорање, активност на ученикот, исполнителност и ангажираност... Посебно кога наставникот е во дилема меѓу две оценки, секогаш зема во предвид и некои други фактори, никогаш само оценка од тест. ДУРИ и од МОН и од Биро за развој на образование укажуваа дека оценката НИКАКО не смее да биде само од тестовите на учениците. И ајде сега некој нека најде НЗС на ова. На пример, разликата меѓу 4 и 5 е многу мала и ако јас како наставник има ученик кој секогаш се наоѓа на граница меѓу 4 и 5 (на пр. на тест му недостасува 1 бод за 5, усно има мало колебање во знаењето, ама е солиден итн итн) а ученикот е исполнителен, секогаш носи домашна, ги извршува дадените проекти, активно соработува на час, тоа ќе натежне за да добие 5. Сега доаѓаме во ситуација на вакви ученици наставникот да им каже „Ако екстерно го полагаш мојот предмет ќе ти ставам 4 за крај на година, ако не, имаш 5“. Уште потрагична е ситуацијата кога наставниците отворено им велат на децата „За крај рачунај дека имате тоа што ќе си добиете на екстерно. Не може јас заради вас да си има проблеми“. Каде е тука логиката? Тогаш нека не ги оценуваат во текот на годината, нека остават за оценката да одлучи некој тест. И тоа што е страшно е што ова е дефинитивно, нема поправка. На факултет (барем јас) си имам поништувано испити ако не ми се допадне оценката, т.е. ако знам дека можам подобро да положам. Не пречесто, ама ете 2 испита го поништив писменото и следната сесија си добив многу подобри оценки. Овде нема таква опција што го прави многу пострашно. Верувајте, има деца ќе се блокираат од страв. Дури и по семинари не учеле дека треба да се има во предвид и личноста на детето, дека има деца кои потешко одговараат усно и дека треба да им се овозможи писмено да се изразат, но и дека има деца на кои писменото одговарање им е стрес и дека треба и тоа да се земе во предвид. Сега ништо од тоа што ги учат наставниците не важи за оние кои тоа го бараат од нив. Дури и за најбанални работи- секој наставник е должен да каже КОГА ќе биде тестот и од какви прашања се состои, за кој материјал се прави и да има БОДОВНА ЛИСТА напишано на тестот. НИКОЈ не го кажува ни критериумот како ќе се оценуваат тестовите, односно се вели „Ќе се почитува критериумот на БРО, прилагоден на наставната програма на предметот“. Тоа ама баш ништо не кажува. Ако го прилагодувате, значи не е според официјалните унифицирани критериуми на БРО. А ако не е, според кои ќе биде... е не се знае. Си оставаат простор за манипулација, прво да помине тестирањето, а ПОСЛЕ да се прилагодат критериумите според резултатот кој ТИЕ ќе сакаат да го добијат. И затоа јас сум убедена дека МОН не е зрело за ова тестирање, не наставниците и не учениците. Организаторот не е способен 1 месец да направи ни едни наједноставни списоци без да ги менува на секои 2 дена, мислите дека со тој капацитет можат да изведат квалитетно тестирање? Јас не.
|
).
потпис!!!
Испечати
