Rossana
|
Дали се менува кожата за време на бременоста и како да се негува?
Во текот на бременоста можат да се јават промени на кожата. Може да стане посува или помасна, па средствата за нега на вашиот тип кожа што дотогаш сте ги користеле морате да ги замените со такви што ќе одговараат со типот на кожата во тој момент. Многу жени имаат навика проблемот со акните да го ублажуваат со користење на медицински креми и масти, а многу често и без да се консултираат со доктор. За време на бременоста тоа во никој случај не смеете да го направите. Имено, тие препарати содржат состојки кои можат да бидат штетни за плодот. Младежите и пегите во текот на бременоста можат да потемнат, а овие промени се поизразени кај црномурестите жени.. Неретко се случува челото, носот, и брадата да потемнат за разлика од остатокот од лицето. Оваа промена се нарекува “маска на бременоста’, и иако се работи за промени за кои не треба да се секирате и кои после породувањето ќе исчезнат, немојте да се изложувате на сонце затоа што разликата помеѓу темните и светлите делови од лицето ќе бидат поизразени. Ако е неизбежно излегувањето на сонце, без исклучок користете крема со висок заштитен фактор. Имајте на ум дека и “зимското“ сонце може да биде исто толку “опасно“ како и “летното“.
Најдобро е да одберете крема за нега на лице и тело направена од природни, билни препарати, без конзерванси. На тој начин ризикот од појава на алергиски реакции и други несакани дејства се сведува на минимум. Благи ароматични масла, со додаток на витамини, минерали и природни ексфолианти како јагода, треба да бидат составен дел од тие препарати. На тој начин вашата кожа ќе биде нахранета, затегната и негувана.
Дали за време на бременоста може да се депилира?
Препорачливо е во текот на деветте месеци несаканите влакна да се отстранат исклучиво со восочна депилација, а не со хемиски препарати.
Дали е дозволено поправање на забите?
Посетите на стоматологот се неопходни, а потрбата за негата на забите и устата двојно поголема. Отечени и поцрвенети непца, кои се исклучително осетливи и лесно прокрваруваат, не е нешто невообичаено за време на бременоста. Прв чекор за ублажување на овие непријатности е правилната хигиена на устата. Потребно е да посветите поголемо внимание од вообичаено. Најмалку двапати дневно детално мијте ги забите, а еднаш дневно користете конец за заби. Устата плакнете ја со соодветни раствори или наједноставно со топла солена вода. За време на бременоста препорачливо е барем двапати да се посети стоматологот. Доколку се појави некој проблем, неговото решавање не го одлагајте за после породувањето, делувајте веднаш. Исто така може да се одстрани кариесот под локална анестезија. Доколку морате да превземете посериозни зафати после кои е потребно примање на антибиотици, задолжително консултирајте го вашиот гинеколог.
Дали може да се избегне појавата на стрии?
На некои жени после породувањето не им се појавува ниту една стрија, но на повеќето кожата во текот на бременоста драстично се менува. За жал ниту еден препарат не дава стопроцентна гаранција дека стриите нема да се појават. Во секој случај внимавајте да не ја зголемите телесната тежина прекумерно, да не се изложувате на сонце, критичните зони морате да ги мачкате со неутрални креми со цел кожата да биде помека и поеластична. Кремите кои содржат витамин Е, бадемово и друго природно ароматично масло се идаелни во бременоста. Нивниот нежен мирис не им смета на трудниците кои не можат да поднесат силни мириси, а се исклучително хранливи и благопријатно делуваат на кожата.
Дали може да се оди на масажа?
Секако, а Вашиот сопруг научете го да Ви ги масира рамениците и долниот дел на грбот. Тоа секако ќе ви годи и ќе ја намали болката во грбот, кои се поинтензивни во подоцнежните месеци од бременоста. Сепак треба да се обрати внимание на неколку работи: користете мешавина на природни масла од невен, ленено семе, бадем, витамин Е. Избегнувајте масажа со масла со силен мирис затоа што можат да Ви пречат (рузмарин, мајоран, босилек). Одлучете се за мешавина со благ мирис на лимон или портокал. Масирајте се легнати на страна, затоа што на грб ќе ви биде тешко, а на стомак не смеете.
Како да го избегнам паѓањето на косата по бременоста?
За време на бременоста косата не паѓа премногу, што не е случај после породувањето. Но не кревајте паника. Тоа се влакна кои би паднале во претходните месеци, доколку не би биле бремени. Да потсетиме дека не смеете да ја миете косата подвиткани над кадата затоа што така ги оптеретувате вратот и грбот, и го притискате стомакот.
Дали смее да се сонча во солариум?
Нема конкретни научни студии кои го испитувале директниот ефект на изложувањето на ултравиолетовите зраци за време на бременоста, но имајќи го во предвид податокот кој укажува на лошото влијание на солариумот врз организмот - препорачливо е да го избегнувате одењето во солариум барем тие девет месеци.
Дали може да се бањам во жешка вода? Жешките бањи, исто како и сауната, ја зголемува телесната температура, а тоа може да го загрози бебето. Најголемиот ризик е во првото тромесечје кога на удар е главата и ’рбетниот столб на бебето. Значи, сауна никако, а избегнувајте и седење во топла вода. Сепак, доколку се одлучите да се бањате а не да се туширате, рацете и градниот кош мора да бидат надвор од водата.
Електричната струја е опасна за неродените бебиња Со електричната струја секогаш мора да бидете претпазливи но за време на бременоста мора да сте посебно внимателни.
Додека работите со апарати на струја можно е да добиете мали струјни удари. Овие мали удари можат да предизвикаат аритмија која вашето срце може лесно да ги издржи, но вашиот фетус,чие што срце е многу младо, може нема да биде во состојба да ја издржи аритмијата предизвикана од наизглед малиот струен удар. Поради ова многу е важно да избегнувате ситуации во кои може да добиете мал струен удар. Примери од секојдневниот живот: не се бањајте со вклучен бојлер, внимавајте на исправноста на домашните кујнски апарати, внимавајте при промена на прегорена сјалица, проверете ја исправноста на струјните прекинувачи. Најдобро е во периодот на бременост друг да ги врши работите кај кои постои ризик од мал струен удар.
Извор:deca.com.mk
< Поракaта ја уредил Палешка -- 7.6.2010 18:51:24 >
|
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
Испечати
