Pepelaska *
|
ИЗВОРНА ПОРАКА: Pepelaska RR
Цртеж на кој доминира едно големо црвено срце, а во него споени машка и женска фигура, е дело на едно дете на разведени родители. Ова е еден од многуте цртежи што го привлече нашето внимание, додека ги разгледувавме цртежите во канцеларијата на Мери Бошковска, психијатар која се занимава со проблемите во развојна возраст во Заводот за ментално здравје. На овој цртеж детето нацртало и една куќичка и дрво кои се ?фрлени" во едно ќоше, безначајни во споредба со огромното срце кое го зафаќа речиси целиот лист хартија. Малиот автор на цртежот го прави она што не може во реалноста: ги спојува неговите разделени родители. Речиси сите деца од разведени бракови, кои доаѓаат во Заводот со цел да излезат од нивниот свет на грижи, да ги совладаат нивните трауми и да му се препуштат на убавото и безгрижно детство, нивните родители на цртежите ги спојуваат: тие се ставени или во срце или се држат за рака, ни напоменува д-р Бошковска, началник на Дневната болница во Заводот. На тој начин ја искажуваат нивната силна желба и она што ги мачи, ги разрешуваат внатрешните конфликти што го искажуваат преку цртежот.
Цртежот е средство на детското изразување. Преку цртежите децата ги екстернализираат своите мисли, можеме да ги разбереме нивните интереси и способности, нивните доживувања, проблеми, конфликти, стравови. Во светот се познати психолошки тестови базирани на цртеж. Така Гудинаф, врз основа на цртеж ја оценувала детската интелигенција. Маковен направил тест на човечка фигура на различни пола, во кој детето треба да ги нацрта женската и машката фигура. Цртежот може да каже како детето ги доживува искуствата во семејството, било да е тоа реално или фантазматски. Преку него можат да се видат конфликтите во семејството што ги доживува детето во однос со другите домашни.
Она на што треба да се внимава е приборот за боење, дрвените боици мора да бидат со еднаква големина, сите да се наострени, со што се постигнува правилен пристап. Ако некои од боиците се помали и ненаострени детето нема да ги земе тие боици, па оттука испитувањето нема да ја постигне целта, потенцира д-р Бошковска.
Во анализата, црвената боја е агресивна боја и означува акутно и емоционално доживување кое може да биде пријатно и непријатно. Но, исто така, е симбол и на живот, на крв, темперамент, на енергија.
Жолтата боја е безгрижна детска боја која означува емоционална боја во зависност од возрасните и значи опкруженост со љубов.
Зелената е интелектуална боја и означува контрола на однесувањето.
Црната е депресивна анксиозна и означува емоционални потешкотии. Значи ако има повеќе кафеава и црна боја, означува протест против дисциплинирање, кога родителите бараат од децата да бидат чисти и средени. Кај децата може да се јави отпор, бунт против таквото дисциплинирање што го манифестира преку цртежот.
Портокаловата боја е релаксирачка боја и означува среќа и релаксираност. Кога зборуваме за боењето на детските цртежи, децата помали од четири години мачкаат по цртежот и не можеме секогаш да се потпреме на анализата на боите. Но за анализата на боите може да зборуваме над петгодишна возраст.
Извор:утрински весник
ИЗВОРНА ПОРАКА: Pepelaska RR
Ова ми беше омилена тема додека студирав.Многу ме интересира што се крие во детската душа.
А најверојатно тоа може да се види и преку цртежите па макар биле и некои начкрапани линии.
Ние дури сега почнавме да покажуваме интересе за цртање ама сеуште не можам да откријам што му значи нешто оти сега засега само чкрта.
Се трудите ли вие да дознаете како се чувствуваат децата преку некој цртеж?
И што мислите дали во основното училиште му се обрнува доволно внимание на овој предмет?
_____________________________
Жената која мисли дека е интелигентна се бори за еднакви права со мажот. Жената која е интелигентна не го прави тоа !
|
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
Испечати
.jpg){kind=small}
