LoveableMe RR
|
"Доколку имате проблеми со имплантацијата, ние ќе ви помогнеме
ЕРА е врвна дијагностичка метода, која беше развиена и патентирана од IGENOMIX по повеќе од 10 години поминати во истражување и 3000 клинички тестови. Оваа техника овозможува евалуирање, од молекуларен аспект, на статусот на рецептивност на ендометриумот, со тоа зголемувајќи ги шансите за успех при ИВФ трансфер. Прифатливоста на ендометриумот е статусот кога ендометриумот на матката е подготвен да прифати имплантација на ембрионот. Во текот на процесот на третман на пар со неплодност, овој тест ЕРА (Endometrial Receptivity Array) прави евалуација на ендометрискиот фактор, која овозможува дали ендометриумот е подготвен да го прифати ембрионот, со помош на испитување на група на 238 гени. За таа цел, се прави ендометриска биопсија на P+5 (циклус со хормонска терапија) или LH+7 (природен циклус) и по резултатите ендометриумот се класифицира како рецептивен или нерецептивен.
Оваа молекуларна дијагноза овозможува да се утврди персонализиран ИВФ трансфер на емрбиони/бластоцисти, кога е најдобро да се вратат ембрионите и кога матката ќе ги прифати, според резултатите и во точно одреден ден/време за неплодниот пар. Доколку резултатот покаже нерецептивност, тогаш се прави втора биопсија во различен термин, со цел да се утврди погодно време за трансфер. Ова се препорачува за пациентки кои имаат ембриони со добра морфологија, но имаат проблем со имплантација (за жени со неуспешни 3 ИВФ трансфери или со 2 ИВФ неуспешни трансфери кај жени над 37 години) дури и кога имаат нормална матка со нормална дебелина (≤6mm) и каде нема очигледни детектирани проблеми. По добиените резултати, ембрио трансферот мора да биде направен во истиот циклус од добиениот резултат.
Постапката се изведува со биопсија со помош на катетер и со земање на само 30 милиграми ткиво и се прави или по пет дена од земање на терапија со прогестерон (околу 120 часа) и првиот ден од земање на прогестеронот се смета П+0, а денот на биопсијата е П+5, или на природен циклус 7 дена по ЛХ+7 (околу 168 часа), а доколку се следи овулација, тогаш Ов+0, а биопсијата се прави (околу 144 часта) Ов+6.
Ако резулттот е рецептивен ендометриум, тогаш трансферот со смрзнати/ свежи ембриони може да се изведе во истиот циклус, а доколку е бластоциста тогаш тоа се изведува во следен циклус на истиот ден следен циклус кога е направена биопсијата, додека за 3-дневни ембриони, тоа треба да се направи на датум /два дена пред биопсијата. Ако резултатот е нерецептивен ендометриум, тогаш се прави втор ЕРА тест кој треба да покаже кога статусот на ендометриумот е рецептивен и следствено да се закажен трансферот. Од нашите испитувања, досега само кај помалку од 1% од пациентите не сме можеле да им помогнеме за имплантацијата, поради лошиот резултат."
Извор: igenomix com
"Рецептивноста на ендометриумот помага кај имплантација на ембрионите
Д-р Бери Бејр, ембриолог и директор на Репродуктивниот центар за фертилитет на Стенфорд и ко-оновач на Ивиген, изјавува дека ендометриската биопсија пред ембрио трансферот го определува денот кога е најдобро да се вратат ембрионите во матката. Обично ембрионите се враќаат на трети или пети ден по пункција. Времето на трансфер го одредува директниот исход на развојот на ембрионот. Бластоцистите имаат силна шанса за развивање бидејќи се вратени на петти ден од трансфер. Квалитетот на ембрионите е исто така добар показател на успех, но има пациентки со квалитетни ембриони кои имаат проблем со ендометриумот. Цената на тестот е 450 долари."
Извор: fertilityauthority com New York
_____________________________
Обиди: 5,5 години
2 IUI, 3 IVF, HSC, 1 FET, 3 смрзнати
Верувај во чуда!
|
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
Испечати
