Aconitum napelus (Аконитум напелус) Acon
Основен лек за прва помош во Хомеопатијата. Би требало секој да го поседува во домашната аптека. Тоа е затоа што ситуациите каде тој може да спаси живот се случуваат било каде и драгоценото време до доаѓањето на лекарот може да го обезбедат неколку капки потенција на овој лек директно на јазикот.Делува на неурохуморалната фаза на развој на акутната болеста. Без разлика на останатите симптоми за негова употреба е неопходно да постои вознемиреност и страв па се до смртен страв. Во такви ситуации може да ја проекине акутната настинка на пример или да спаси и живот во случај на тешко акутно заболување (инфаркт на миокардот, мезентеријална тромбоза пулмонална емболија.) Механизмот на дејство представува прекинување на неурогената фаза на шоковата состојба. Со тоа лекарот добива време да ја настави интервенцијата и да помогне на пациентот.
Состојби на страв, анксиозност, духовна и телесна болка. Физичка и ментална загриженост, страв, се најкарактеристичните манифестации на Аконитум. Акутни ненадејни и насилни напади пратени со треска, се индикација. Пациентот не дозволува да го допрат. Нагол гобиток на силата.Тешкотии и напнатост предизвикани со излагање на суво, студено време, ладен воздух, нагло потење, исто така тешкотии од многу топло време, особено гастроинтестинални пореметувања и тн. Прв лек за воспаленија и воспалителни трески. Значителни оштетувања на серозни мембрани и мускулно ткиво. Печење во внатрешни делови на телото. Зуење во ушите, (тинитус), чувство на студ и укоченост. Грип. Емоционалните и ментални тензии објаснуваат многу симптоми. Кога се препишува аконитум, запомнете дека тој лекува само функционални растројства. Нема докази дека може да предизвика ткивни оштетувања. Неговата акција е кратка. Неговото подрачје на делување е на почетокот на акутната болест и не треба да се продолжи со давање откако ќе започнат патолошките промени. При хиперемијата и конгестија, не се дава откако ке започне ексудативната фаза на заболувањето.
Не е индициран кај маларија и субфебрилност или кај специфични и гнојни состојби, како и кај воспаленија кои сами се локализираат. Сулфур често ја следи терапијата со аконитум.

Спореди Chamomilla, Coffea во состојби пратени со интензивна болка и несоница. Дози: 6C за сензорни афекции, 1C до 3C за конгестивни состојби. Може да се повторува често во акутна болест. Аконитумот е брзоделувачки агенс.При невралгии 30C повторувачки во зависност од чувствителноста на пациентот и реакцијата на лекот. При животнозагрозувачки состојби 200C и поголеми во повторувачки дози на секои неколку минути се до постигнување на ефектот.

извор.ХАМА

Хомеопатија во сезоната на
Треска, воспалено грло, болка во мускулите, главоболка, кашлица, истоштеност и потполно чувство на непријатност да се биде во сопствената кожа се симптомите кои го опишуваат грипот. Се пренесува преку кашлање или кивање, при што се формираат аеросоли кои го содржат вирусот. Исто така се пренесува преку сите секрети и крвта, и преку контаминирана површина.

Во поголем број на случаевите несаканите последици од грипот се изгубеното време и непријатноста, додека во поретки ситуации може да предизвика пнеумонија и други компликации кои можат да резултираат и со смрт. Но во принцип е досадно заболување кое може да се третира само симптоматски.
Покрај стандардната вакцина која излегува еднаш годишно од Светска Здравствена Организација како превентива на грипот постојат многу природни лекови. Мојот омилен е бидете секогаш позитивни и среќни, со самото тоа вашиот имунитет ќе функционира совршено. Доколку не сте во состојба тоа да го направите пробајте да вежбате јога. Испитувањата имаат покажано дека секојдневна 20 минутна медитација го зголемува нивито на ендорфини (таканаречените хормони на среќата), а го намалува нивито на кортизолот (хормон кој се лачи во состојба на стрес), и со самото тоа се подобрува расположението и се зголемува имунитетот. За ладните зимски денови најтопло Ви го препорачувам макробиотскиот напиток Уме-Шо-Бан, познат меѓу моите пријатели како Астерикс напиток.
Хомеопатијата нуди цел спектар на препарати кои помагаа да се надминат симптомите на грипот.
На самиот почеток на развој на симптомите или како превентива може да земете по една доза Anas barbariae (има повеќе брендови еден од нив е Osscilococcinum)  на осума часа три пати. Доколку симптомите почнат да се развиваат, сигурно ќе ви биде потребен поспецифичен препарат, како на пример Eupatorium perfoliatum, кој е добар за грип проследен со болки и морници по должината на грбот, и коските, чувствувате замор, жед и главоболка. А доколку чувствувате вртоглавица, претепано и истоштено, но во момент подобро по уринарење препаратот кој ќе во користи е Gelsemium.
Доколку се разболете без никаква предходна најава, од полно здравје, и симптомите се висока температура, анксиозност и голема жед, но без симптоми на потење земете Aconitum. Mногу сличен  препарат во однос на температурата на Aconitum е Belladonna, но кај неа многу карактеристичен симптом е потењето, пациентот е со црени образи, многу е чувствителен на светло и звуци, и покрај високата температура стопалата и дланките моќе да бидат ладни.
Доколку чувствувате болки по целото тело, сакате сите да ве остават да се одморите, симптомите ви се подобруваат доколку сте во кревет мирни, и чувствувате жед за ладен напиток земете Bryonia.
За следниве симптоми: болки во мускулите и коските, болки кои се смируваат кога пациентот се движи го препорачувам Rhus toxicodendron.
Ако заболувањето започнува со којавица која доаѓа на бранови и многу изразена треска, проследено со симптоми на гадење и чувствителност на студ, а пациентот емногу нервозен препаратот е Nux Vomica.
За не многу специфични симптоми, со не многу висока температура се пепорачува Ferum phosphoricum.
Ова се само неколку препарати кои можат да се препорачаат за олеснување на симптомите. Од горенаведеното набројување се надевам може да  претпоставите дека за едно исто заболување во хомеопатијата постојат како избор многу препарати почитувајќи го принципот на индивидуалност.
            Добро здравје.
ИЗВОР ХАМА

ИЗВОРНА ПОРАКА: mother 29

Хомеопатија за бебиња и деца

Хомеопатија за бебиња и деца

Со задоволство во овој број ќе ви ја преставам хомеопатијата и нејзината делотворност во терапијата на голем број на заболувања кај бебињата и децата.

Искуството што го имаме jас и моите колеги, како и бројот на задоволни родители, ми ја дава слободата да кажам дека хомеопатијата е совршена терапија за помладите. Голем број заболувања кои можат да преминат во хронични се навремено спречени и целосно излекувани. Исто така, голем број на обични настинки, се до генетски предусловени болести, можат да бидат спречени со хомеопатијата.

Хомеопатијата добро и брзо делува кај децата бидејќи тие се полни со виталност. Токму поради тоа враќењето на рамнотежата кај нив е многу повпечатлива отколку кај возрасните. Високо разредените природни супстанции кои ги претставуваат хомеопатските препарати се совршени за децата бидејќи не се токсични и немаат несакани ефект.

Повторно се наметнува прашањето каде може да помогне хомеопатијата. Акутните состојби како што се отити, тонзилити и настинки може да бидат разрешени многу брзо ако се искористи правиот препарат и со тоа целосно да се избегне упоребата на конвенционалната медицина. Исто така и бебињата брзо реагираат на хомеопатијата. Има терапија за стомачните колики, болките што се јавуваат при никнење на забите, црвенилото од пелените и т.н.

Примерите кои ќе ги набројам подолу се за одреден број на деца. Не значи дека на сите подеднакво ќе им делува дадениот препарат (според правилото на индивидуалност и терапија да се гледа пациентот во целост а не само на неговите симптоми).

Исто така ако не сте сигурни за проблемот што го има вашето дете подобро посетете доктор – хомеопат за да може да биде издадена најсоодветната терапија. Посебно за бебињата, бидејќи тие не знаат да си ги кажат своите проблеми.

За периодот кога излегуваат забите ако вашето дете има потреба постојано да биде носено во раце, ако е плачливо, може но не мора, и да качува температура, и да има дијареа, најчесто издаван препарат е Chamomilla.

За стомачни колики и тоа ако го тераат детето да се привиткува на половина како терапија може да влезе Magnesia phosphorica. За безболни диареи кои само го истоштуваат и дехидрираат детето се издаваат или China rubra (отечен стомак со многу гасови) или Ricinus communis  (безболни подригнувања, и многу лажни повици за повраќање).

Црвенилото од пелените најубаво го решава Calendula препарат кој може слободно да се комбинира со надворешна употреба на крема од невен.

За воспаление на средното уво се препорачува Pulsatilla во повисоко разредување. Но не секогаш е делотворен овој препарат. Во зависност од морфологијата на детето и изразеноста на симптомите може да дојдат во предвид поголем број на препарати. Но во секој случај го спречува земањето на конвенционалната терапија која доаѓа во комбинација на антибиотик со кортикостероид.

За кашлица и настинка: Nux vomica ако настинката започнува со кијавици кои доаѓаат во бран, детето е раздразнето. Pulsatilla ако секретот стане жолто/зелен, а детето е плачливо и симптомите се поизразени навечер. Bryonia ако детето се чуствува мизерно, раздразливо и не сака да стане од кревет.

За висока температура и треска се препорачуваат Aconitum за нагло качена висока температура над 38 степени, и тоа од полно здравје. Belladonna е следниот препарат кој исто така се издава за нагло качена висока температура но најчесто овој препарат се издава за деца кои имаат црвени обравчиња, кои се потат и како пропратен симптом е ангина (со многу црвено грло). Додека кај Aconitum препаратот децата се бледи и најчесто исплашени и не се потат. Друг препарат за високи температури е Gelsemium но за разлика од предходните два препарати децата кои би имале ефект од овој препарат качуваат температура споро, проследено со треска, болка во мускулите и чуство на замор.
Покрај акутната терапиаја може да се издаде и терапија за многу хронични заболувања, за која се потребни повеќе информации за детето и за симптомите. Хронични бронхити, алергии на храна, лекови, полен, домашна прашина... атипична егзема, псоријаза и т.н.

Во Хомеопатјата постои и конституциска терапија која може да помогне во случаите на успорен раст и развој на детето, задоцнето излегување на забите, покасно проодување.

И исто така асиптоматска терапија која може да се издаде за подобрување на имунитетот, која се издава или по прележано потешко заболување или едноставно заштита од вообичените настинки и инфекции.

Цитат:Др. Биљана Ѓуроска

Хомеопатија за време на бременоста и породувањето

Хомеопатија за време на бременоста и породувањето

 Во претходнниот број ја објаснивме хомеопатијата наједноставно што можевме, се со цел да се запознаат што е можно поголем број на читатели. Верувам дека сеуште има многу необјаснети прашања, посебно моментот за какви здравствени проблеми се користи хомеопатијата.
Во овој број ќе се обидеме да ви појасниме како хомеопатијата делува за време на бременоста, односно во текот на репродуктивните години пред бременоста, за време на бременоста, породувањето и доењето.

Хомеопатијата е идеална за сите идни родители кои сакаат да донесат на свет здрави деца. Бидејќи како што е споменато во минатиот број, а сега ќе го потенцираме, хомеопатијата е ефективен и научен систем на исцелување кој му помага на природното тежнеење на организмот да се излекува самиот себе. Нема несакани ефекти, односно не го оптеретува организмот со токсини за кои е потребно време и напор да се прочисти (како на пр. антибиотиците или кортикостероидите). Хомеопатијата е нежен но сепак високо ефективен систем за исцелување.
За време на репродуктивните години голем број жени поминуваат со полесен или потежок предменструален синдром. Голем број од нив користат аналгетици, кои со текот на времето се поретко делуваат. Во хомеопатијата не се работи само со болката како проблем, туку се вкупно со сите симптони на предменструалниот синдром и личноста во целост.

Со посебна важност е да ја споменеме хомеопатијата за време на бременоста. Поради состојбата голем број на жени воопшто не ни земаат некаква терапија, знаеејќи за штетноста на голем број од лековите, од страв да не предизвикаат некаково оштетување на плодот. Тие поминуваат низ голем број на банални проблеми како на пример утринското гадење, кое не секогаш е утринско. Симптомите на утринско гадење се пропратени со повраќање и замор. Зависно кој од симптомите е потенциран и со каква емотивна состојба е проследено може да се издадат еден од следниве препарати:
Pulsatilla – гадење и ретко повраќање. Гадењето се зголемува по јадење или пиење, а сите симптоми се подобруваат на свеж воздух и во добро друштво. Емотивно е проследено со плачливост но во сите ситуации сака да е со луѓе и да биде тешена и сакана.
Ipeca – постојано гадење и подригнување на гладно, повраќањето е многу тешко и не доведува до олеснување а и јазикот не е обложен.
Nux vomica – гадење и подригнување, кои олеснуваат по повраќање. Подригнувањето е често многу непријатно бидејќи предизвикува киселини. Проследено е со постојано чуство како на јазол во стомакот а емотивно со лошо расположение кое ги тера да се лутат  и расправаат.
Sepia – повремени гадења кои се полоши наутро, и се влошуваат кога ќе почуствува одреден мирис или пак ќе помисли на храна. Во желудникот има чуство на дупка кое повремено се олеснува со прием на храна. Проследено со чувство на апатија, истоштеност кои парадоксално се подобруваат од вежбање. Многу често се лути дури и бесни на сопругот или некој поблизок член на фамилијата.

Во периодот на бременост еден од проблемите кој се јавува почесто е и опстипацијата. Опстипацијата за време на бременоста најчесто се јавува како резултат на хормоните, кои подготвувајќи ги мускулите на пелвисот за породување, може да ја успорат дигестијата.

Со прилагодување на диетата може да си помогнете доколку имате не толку тешка опстипација. Како на пример со пиење на течности, посебно вода, овошје и зеленчук. И тука може да набројам неколку хомеопатски препарати кои можат да помогнат. Како на пр. Bryonia, Sepia, Nux Vomica, Sulfur…

За време на породувањето постојат хомеопатски препарати кои можат да помогнаат во зреењето на вратот на матката и отварањето ако се јави таков проблем. Постојат и препарати кои помагаат за побрзо закрепнување на целиот организам и посебно  зацелување на раната, која може да биде резултат на природно расцепување или епизиотомија. Понатаму би споменала дека постојат и препарати за преживеаната емотивна траума и кај мајката и кај новороденото. Исто така многу важно постојат препарати како на пр. Gelsemium, Ignatia, Aconit… кои помагаат при состојба на страв и паника. Овие препарати почнуаат да се примаат од моментот кога ќе се јават чуствата. Можеби звучи банално но чуствата на страв и паника, посебно стравот од смрт можат да предизвика поблаги или посериозни проблеми, или ако ништо посебно моментите на припрема за новороденото да ги направат пеколни.

Хомеопатските препарати помагаат и за проблемите со доењето, како од  опуштање од стресот за доењето така и реални физиолошки проблеми како недоволно млеко, или пак проблеми со јачината на млекото... Помагаат со поспарталната депресија состојба на која не доволно и се придава значење. 

                                                                   цитат.Др. Биљана Ѓуроска

ИЗВОРНА ПОРАКА: Yummy Mammy

Inace sega vidov, da, jas moite gi nosam kaj dr. Biljana Gjurovska, vo Novo Lisice. Ima i web strana.

Модератор: Надворешни линкови не се дозволени.

ИЗВОРНА ПОРАКА: arh_diz RR

Дали користите хoмeопатски лекови и колку сте задоволни од нив ?
Jас користам хoмeопатски лекарства и на син ми педиjатарот му има давано.
Антибиотик му нема дадено педиjатарот
Доколку почне да поткашлува му дава Афлубин капки и Траумел
Еднаш имаше бели точки на грлото фарингит му даде Тонзилгон капки
Jас имам користено Оцилококцинум против настинка и сум презадоволна

ИЗВОРНА ПОРАКА: Teonicka

ФАЛА ТИ AnnaMolly . И ЈАС МОЈАТА ЌЕРКА ЈА НОСАМ НА ХОМЕОПАТ, АМА ВАКОВ ЛЕК ДО СЕГА НЕ НИ ИМААТ ДАДЕНО.

ИЗВОРНА ПОРАКА: Maca RR

Мислам дека и блу_блу ги лечеше ќерките кај хомеотпат. Ај ако можеш да ни пишеш искуство. Јас почнав многу да размислувам за хемеопатија, баш поради тоа што ќерка ми многу често има проблеми со црвено грло. Баш да видам дали би успеало кај неа. Јас имам земано хомеопатски лек против менструални болки, но не го земав од МК туку од Австрија и немаше никаков резултат кај мене.