babyhope
|
Eve del od najnovite izmeni vo procesot na ostvaruvanje na BPO:
Право за вештачко или ин-витро оплодување на товар на Фондот за здравствено осигурување од овој месец ќе имаат и брачните парови кои веќе имаат едно дете со тешка психомоторна ретардација, како и парови кои во претходни брачни или вонбрачни заедници веќе имаат други деца. И кај двете категории брачни парови за да остварат право на ин-витро ќе треба да биде докажан стерилитет. Ова се само дел од измените на правилникот за биопотпомогнато оплодување кои ги донесе Фондот за здравство, а кои се стапени во сила од први овој месец.
Маја Парнарџиева Змејковска, директор на ФЗОМ, вели дека по анализите што ги направиле одлучиле да го прошират правото за овие групи брачни парови да добијат можност на товар на Фондот да им се изврши ин-витро оплодување.
"Досега право на ин-витро на товар на Фондот имаа само брачни парови што немаат деца и имаа право на три бесплатни обиди. Сега ова право го прошируваме. Исто така, со измените проширено е и правото за оплодување со донорски материјал, односно ако еден од брачните другари има тешко наследно генетско заболување, или станува збор за тешка форма на машка неплодност, тогаш директно се упатуваат на донорско оплодување, во кое може да бидат донирани сперматозоидите, јајце клетката или ембрионот", рече Маја Парнарџиева Змејковска, директор на ФЗОМ.
На прашањето дали со ваквото проширување не се врши дискриминација на брачните парови кои имаат здраво дете, а кај кои се развил стерилитет, директорката Парнарџиева Змејкова рече дека постојано работат на проширување на правата на осигурениците, и дека и понатаму ќе има проширување на ова право, но дека Фондот мора одговорно да се однесува со буџетот со кој располага.
Третата група на измени што се направени во правилникот, како што објасни Парнарџиева Змејкова, се однесуваат на медицинските индикации за одобрување на ин-витро постапката.
"Ако жената имала операција на ендометриоза, наместо 18 месеци по операцијата, сега ќе има право на ин-витро по 12 месеци", рече Парнарџиева Змејкова.
Со измените се воведува и пауза од два циклуса меѓу две инсеменации, кои, исто така, претставуваат потпомогнато оплодување, а се неопходни да се поминат за да може парот да добие право на вештачко оплодување. Оваа измена е воведена, како што објаснуваат од Фондот, за да се овозможи организмот на жената да закрепне меѓу една и друга инсеменација, како и да се зголеми процентот на оплодување со оваа постапка, која е полесна и поевтина од ин-витро постапката.
|
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
Испечати
за вниманието на фондот мислам дека е во ред што се грижи да не бидат оштетени пациентите кој оствариле право на БПО 
август 2013г. 
Бакнежот е генијален трик,дизајниран од страна на природата за да го запре зборувањето кога зборовите стануваат непотребни
i konecno da drzime 
vo racete
