mis.
|
КАКО ДА ПОЗНАЕТЕ ДЕКА БЕБЕТО ИМА ВОСПАЛЕНИЕ НА УВО Воспалението на уво е многу честа појава кај децата од предшколска возраст, особено во зимските месеци. Најчесто е тешко да препознаете дека се работи за воспаление на уво, но можете да обратите внимание на некои знаци кај бебето. Ако се сомневате дека бебето има боспаление на увото, однесето го да биде испитано од неговиот педијатар. Често пати воспаление на увото се јавува после прележана настинка. Ако бебето кашлало или му течел носот, а неколку дена после тоа одеднаш качи температура, има голема веројатност дека се работи за воспаление на увото. Кога увото е воспалено, тоа може да му предизвикува болка на бебето при доењето и голтањето. Ако кога го доите или храните бебето со шише, наеднаш се трга од болка, посетете го неговиот лекар. Има голема веројатност дека се работи за воспаление на уво. Ако бебето е веќе проодено, во случај на воспаление на уво можеби ќе приметите дека има проблем со рамнотежата и е понеспретно од вообичаено. ШТО ГО ПРЕДИЗВИКАУВА ВОСПАЛЕНИТО НА УВО Естахиевата туба во увото го поврзува средното уво со носот и грлото, тоа може да направи да дојде до проширување на бактериите од грлото и носот во увото. Кога естахиевата туба функционира нормално, не дозволува течноста да се пренесе до увото, туку се слева надолу. Но во случај на настинка, алергија ит.н. естахиевата туба може да отече и течноста да остане задржана во неа. Ако во течноста има бактерии, тие таму наоѓаат погодно место за да почнат да се размножуваат. Ушното тапанче исто така се воспалува, а телото ја покачува температурата во обид да се избори со инфекцијата. Причина за тоа што децата се посклони кон воспаление на увото е што кај нив естахиевата туба е 3 пати пократка и е хоризонтална. Како што расте детето, таа ќе се издолжи и ќе завземе повертикална положба, што ќе ја спречува инфекцијата. Антибиотиците може да помогнат бактеријата да се исчисти брзо, но за да исчезне течноста која е останата во тубата, може да биде потребно и да поминат седмици. ФАКТОРИ КОИ ЈА ЗГОЛЕМУВААТ МОЖНОСТА ЗА ВОСПАЛЕНИЕ НА УВО - Ако му дозволувате на бебето да пие од шише, во лежечка положба.
- Ако му давате вештачки формули на млеко, наместо да го доите. Доените бебиња поретко добиваат воспаление на уво.
- Ако му давате цуцла.
- Ако детето е изложено на чад од цигари.
- Носењето во градинка на мали бебиња, каде е зголемен ризикот да дојде во допир со настинка или кашлица.
ДАЛИ ВОСПАЛЕНИЕТО НА УВО Е СЕРИОЗНА СОСТОЈБА Воспалението на уво може да предизвика голема болка кај бебето. Иако многу ретко, може да се случи да дојде до пукање на ушното тачанче. Ако се сомневате дека се работи за воспаление на увото, однесете го бебето на лекар. Повторувачки воспаленија на увото може да доведат до оштетување и губење на слухот. Иако ова се случува ретко потребна е интервенција за да се спречи тешка инфекција или повторување на истата. Понекогаш можеби ќе приметите дека од од увото истекува жолтеникаво-крвава течност. Тое е знак дека се создала мала дупка во ушното тапанче, која најверојатно ќе заздраве во рок од 2 седмици, но бебето треба да го однесете на лекар. Воспалението на уво е честа појава, која бара лекарска интервенција, но ретко остава доглотрајни последици. ТРЕТМАН НА ВОСПАЛЕНИЕ НА УВО Задолжително однесете го бебето на лекар. Воспалението се третира со антибиотици, најчесто со Амоксицилин. Различни антибиотици делуваат врз различни бакерии. Па изборот на антибиотикот ќе зависи од тоа кој е причинителот на инфекцијата. Ако лекарот утврди дека антибиотикот не делува како што е очекувано, ќе го промени со друг антибиотик. Секогаш дајте му ја целата препишана терапија на бебето, дури и ако гледате дека настанало подобрување. Тоа ќе овозможи инфекцијата да биде целосно поништена и ќе ги намали шансите да дојде до нејзино повторување.
< Поракaта ја уредил Еца -- 18.1.2010 9:00:37 >
|
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
Испечати
