BEBICA
|
Алергиски ринитис / Алергија на полен / Сезонски ринитис
Доколку секоја пролет имате затнат нос, очите ви се зацрвенети и ве чешаат и имате кивавица-можно е да имате алергија - алергиски ринитис ( најчесто алергија на полен.). Алергија на полен е најчесто употрeбуваниот термин, иако постојат огромен број на материи кои можат да предизвикат алергија.
Доколку симптомите се јавуваат секоја година во ист период, најверојатно се работи за сезонска алергија, предизвикана од полен кој се јавува токму во тој период. Но доколку постои преосетливост (алергија) кон алергени како прашина на пример симптомите може да траат цела година.
Лековите кои се земаат без рецепт обично се доволни за смирување на симптомите на лесна форма на алергиски ринитис, но доколку симптомите се поизразени и посебно доколку се присутни во текот на цела година, треба да се обрне повеќе внимание, за да се намали ризикот од посериозни форми на алергија како астма и екцем.
Знаци и симптоми
Знаците и симптомите на алергиски ринитис варираат од лесни до многу изразени. Симптомите на алергиски ринитис обично се развиваат веднаш по изложување на алергенот, но и материи како парфем и чад од цигари можат да ги влошат симптомите.
Симптомите на алергиски ринитис се: :
- Течен секрет од носот
- Насолзени очи
- Чувство на притиок во носот, очите и лицето
- Често кивање
- Чешање во грлото, носот и очите
- Кашлица
- Несоница
- Малаксалост
Обично тешко се прави разлика меѓу настинка и алергиски ринитис, поради речиси истите симптоми. Ова се главните разлики:
Алергија/Алергиски ринитис Настинка Знаци и симптоми Течен бистар секрет од носот: нормална температура Течен воденикав секрет со жолта пребоеност; благо покачена температура Старт на симптомите Веднаш по контакт со алергените (полен) Еден до три дена по изложеност на вирус Траење на симптомите Се додека трае изложеноста на алергените Од еден до седум дена
Доколку имате чести настинки кои се развиваат одеднадеш и се јавуваат во исто време во годината, можно е да се работи за алергиски ринитис. Иако алергиите и настинките имаат многу слична клиничка слика, тие се сепак многу различни болести. Еве зошто:
- Причина Настинките се предизвикани од вируси, додека алергијата е преосетливост, претеран одговор на имуниот систем при контакт со одредена материја, алерген-како полен, влакна од животни, прашина и сл. Вирусите лесно се пренесуваат од човек на човек, но алергијата не е заразна болест, и не можете да добиете алергија од човек кој има алергија.
- Траење Симптомите на настинка траат од еден до седум дена, ретко повеќе. Спротивно, симптомите на алергиски ринит се јавуваат секоја година во ист период и траат по неклку месеци, а доколку се работи за алергија кон материја која е секојдневно присутна, како прашина, симптомите се присутни постојано .
- Лечење. Третманот на настинка и алергиски ринитис е донекаде сличен, во смисла на одмор, капки за нос, но при поизразени форми на алергиски ринит ќе бидат потребни и лекови против алергија, како кортикостероиди, анти-хистаминици и сл.
- Превенција. За да се спречи појавата на настинка, потребно е да се избегнува контакт со лица кои се веќе заразени. За да се спречи појавата на симптомите на алергија, лицето треба да ги избегнува материите за кои е познато дека кај него предизвикуваат алергиска реакција.
Единствениот начин точно да дознаете дали имате алергија или настинка е да се обратите на лекар!
Иако алергискиот ринитис може да се појави во било која возраст, најчесто се јавува во детството и раната младост. Со стареење симптомите може да се влошат или подобрат, но сепак симптомите имаат тенденција да се намалуваат со текот на годините.
Лицата кои имаат алергиски ринитис можат да бидат алергични на повеќе материи истовремено. Без разлика која материја ја предизвикува алергијата, причината е секогаш иста: преку процес наречен сензибилизација, имуниот систем погрешно ја идентификува таа материја како закана за организмот и произведува анти-тела против алергенот, имуноглобулин Е. Наредниот пат кога ќе дојдете во контакт со алергенот, имуниот систем ја започнува алергиската реакција. ИгЕ антителата го иницираат ослободувањето на хистамин, супстанца која предизвикува отекување на слузокожата и мукозната мембрана во носот, синусите и очите, предизвикувајќи кивање, течење на секрет од носот, зацрвенети очи и тн.
Ризик фактори
Следнива фактори го зголемуваат ризикот од поленска грозница (стар назив за алергија кон полен):
- Фамилијарна историја за алергии
- Машки пол
- Изложеност на чад од цигари во првата година од животот
- Изложеност на домашни алергени, како прашина
_____________________________
Дајте и на жена десет добри совети, таа ќе го следи само еднинаесеттиот - својот.
|
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
Испечати
