Yummy Mammy
|
Тукушто проодел, а веќе е наркоман
Потекнува од 7-члено семејство-талкачи, во кое и родителите и петте деца се зависници. Лекарите се шокирани и бидејќи сè уште нема одделение за лекување зависност кај деца, бараат решение како да помогнат
Меѓуопштинскиот центар за социјални работи веќе една недела очајно бара помош од неколку скопски клиники да хоспитализираат три деца-зависници од дроги. Во писмото, испратено од Центарот до Kлиниката за токсикологија и до Детската клиника, стои дека трите деца, две сестрички и братче, веќе подолго време дишеле лепило, иако имаат само 4, 8 и 11 години.
Од Kлиниката за токсикологија велат дека биле шокирани од содржината на писмото, оти досега немале толку млади пациенти.
На Токсикологија постари од 14 години
Бидејќи с` уште нема одделение за лекување зависности кај деца, директорите на овие две клиники деновиве интензивно бараат решение како да им помогнат на овие деца.
- На Токсикологија ние можеме да третираме пациенти постари од 14 години. Ова, секако, не е соодветно место за дете од 4 години, без разлика на дијагнозата. Имало случаи кога брза помош ни носела деца во критична состојба, но тоа било инцидентно. Досега не сме имале дете-зависник од само 4 години – вели Андон Чибишев, директор на Kлиниката за токсикологија.
Чибишев вели дека е изготвен протоколот за лекување деца-зависници, оценувајќи го тоа како голем и сериозен чекор.
- Сега останува само да се најде кадар и простор каде ќе бидат третирани деца-зависници од дроги – вели Чибишев.
Директорката на Детската клиника Аспазија Софијанова вели дека на оваа клиника нема капацитет за згрижување нови пациенти зашто и онака има многу деца кои чекаат за лекување.
Во Меѓуопштинскиот центар за социјални работи постои список од 20 деца, кои се регистрирани зависници. Но, тоа е, велат во Центарот, само дел од поразителната вистина.
Евидентирани се само дел од децата кои се и талкачи од улица. Според оваа евиденција, има две деца помали од седум години кои дишат лепило, 4 деца до 14 години кои се зависници од дроги и дури 14 деца постари од 14 години кои веќе се на хероин. Од нив, 17 се момчиња, а три девојчиња. Сите се Ромчиња.
И родители и деца зависници од дроги
Во последно време центрите за социјална работа се многу активни и постојано бараат помош за децата, вели д-р Чибишев од Токсикологија.
- И јас ги гледам децата како талкаат низ градот со кеси лепило. Не пропуштам да им подвикнам да го фрлат тоа од рацете. Тие само ме погледнуваат со прекор и бегаат. Такви деца со лепило гледам и во кругот на Kлиниката. Но немоќен сум да сторам нешто - вели Чибишев.
Социјалните работници велат дека е многу тешко да се допре до децата - тие бегаат, а бидејќи немаат постојан дом и талкаат, не можеме да го лоцираме. За случајот со најмладиот зависник велат дека бил многу тежок и дека децата одвај ги спасиле од родителите, кои и самите биле зависници од тешки дроги.
- Извојувавме многу тешка битка за да ги одземеме од родителите. Тоа е седумчлено семејство што талка. Таткото е зависник од тешки дроги, исклучително агресивен и непресметлив во постапките, а мајката од страв не смее да мрдне. Kако социјална установа секогаш правиме напори децата да останат во семејството, но ова немаше минимум родителски потенцијал. На родителите им го одзедовме родителското право. Сите пет деца од тоа семејство се зависници од дроги, трите најмали се на лепило и сега се сместени во домот „11 Октомври“, а двете постари се зависници од тешки дроги и се сместени во „Ранка Милановиќ“ и во воспитно-поправен дом. Децата требаше одамна да се одземат од родителите, но таткото правеше невиден отпор, дури се служеше и со оружје - велат социјалните работници од Меѓуопштинскиот центар за социјална работа.
Проблемот со децата-зависници е генерален, велат од Центарот.
- Во моментов нема институција која би ги згрижувала децата-зависници, иако бројот не е голем. Треба да се знае кој ќе им помага и каде ќе може да се лекуваат. Едно од решенијата е да им се одземе родителското право на нивните родители, децата да се вклучат во образовниот процес и да бидат под контрола на старатели. Веќе е одземено родителското право на два пара родители, а се водат постапки за уште неколку - додава Kрсте Малјановски, в.д. директор во Центарот.
_____________________________
There are no strangers, just friends you haven''t met yet!
|
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
Испечати
.jpg){kind=small}
И за жената,и за бебето. Господ да е со него, да се избори и да живее. 
