Еца
|
морам ова да го поставам
ДРЖАВАТА И ЛЕКАРИТЕ КРЕНАА РАЦЕ ОД ДЕВЕТГОДИШНО ДЕТЕ ВО КОМА
Ни рекоа пуштете го да умре
Никој не знае од што точно боледува деветгодишниот Јован Коловски од Струга, кој веќе една година е во кома, а половина година неговите родители го чуваат и сосема сами без никаков лекарски надзор, го негуваат во нивниот дом во населбата Мислешево
Иако семејството Коловски е здравствено осигурано, не само што сами ги купуваат лековите и сите други помагала за нега на пациент во кома, туку го плаќаат и физиотерапевтот кој редовно доаѓа за да го одржува тонусот на мускулатурата на целото тело на малиот Јован
Домот на семејството Коловски во Струга е претворен во болница. Мирјана и Димитрија Коловски сами се грижат за нивниот деветгодишен син Јован кој пред една година паднал во кома. Лекарите не знаат од што точно боледува детето и што ја предизикало коматозната состојба.. Како безнадежен случај, откако сите медицнски институции дигнале рака од него и никој не сакал да го прими бидејќи тврделе дека му нема спас,,детето е пуштено дома без никаква лекарска грижа. Лекар доаѓа само на повик. Сега за малиот Јован самите во нивниот дом во струшката населба Мислешево се грижат неговите родители иако немаат никаква врска со медицината.
"Не знеме што точно правиме. Некогаш детето реагира можеби се буди од кома, а ние со лекарствата можно е да го враќаме повторно во кома", во очај ни рекоа Мирјана и Димитрија кога не пречекаа во нивниот дом во Струга.
Сами му ја даваат пропишаната терапија, му ставаат кислород, се справуваат со сите кризи на детето кои најчесто завршуваат со доза јаки седативи. Наспроти лекарите кои тврделе дека нема надеж за детето и веќе од подоамна ја прдвидуваат неговата смрт, бидејќи паднало во редок вид на кома, Мирјана и Димитрија се оптимисти и веруваат дека за нивниот Јован има надеж. Но во Македонија нема кома центар и специјалисти за вакви состојби, па тој мора да се лекува во странство, а Фондот за здравство повеќе не им дава пари. "Од Детската клиника ни го пуштија дома. Една докторка тогаш ни рече вашата грижа не му дозволува да умре. Пуштете го да испушти душа дома", се присетува Мирјана на тешките и незивесни денови поминати во Детската клиника во Скопје
Очајот и потиштеноста се читаше на лицата на Мирјана и Димитрија кога не пречекаа во нивниот дом во населбата Мислишево во Струга. Јовче е сместен во посебна соба во болнички кревет. Веднаш спроти него беше отворена вратата од неговата детска соба на која $ се радувал само две недели. Играчките беа недопрени. На креветот му стоеше малото хармониче, и синтисајзерот со микорфон, на кои тој свирел додека бил здраво дете. Јовче спиеше. Не замолија пред да влеземе да ставиме маски и да ја дезинфицираме облеката. Кај него, велат, мора да се влегува строго контролирано, поради тоа што е подложен и на најмала инфекција. Маските и средствата за дезинфекција сами ги купуваат. Иако здравствено се осигурани, сами ги купуваат сите лекови и се друго што е потребно за нега на детето. Плаќаат и за физиотерпевт кој мора редовно му прави вежби да го масира детето за да се одржи тонусот на мускулатурата. Продале речиси се само да го спасат синот, а дел од парите обезбедуваат и од донации од хуманите луѓе.
И двајцата се едногласни дека за ваквата безнадежна состојба на Јован најмногу е виновна докторка од Детската клиника која не успеала навреме да постави права дијгноза на детето и да му даде соодветна терапија. Тие не можат да го прифатат и тоа што државните иституции не даваат пари Јован повторно да се лекува во странство и да се смести во соодветен кома центар каде што ќе му се пружа соодветна медицинска нега.
Агонијата на семејството Коловски започнала на 13 октомври лани кога детето ненадејно добило висока температура и грчеви по што како итен случај од струшката болница било испратено на Детската клиника во Скопје. Таму на Јован му била поставена дијагноза менингит, иако резултатите не покажале присуство на бактерија за овој тип на болест. Таква бактерија била изолирана кај пациентката со која Јован бил во иста соба. "Кога во болницата дознаа дека ќе дојде инспекција тие ги разделија децата", вели Мирјана. По неколку дена состојбата на малиот Јован се подобрила, но само што помислиле дека заздравува, состојбата нагло му се влошила.
"Почна да ја завлекува ногата, одеднаш ослабе 4 килограми. Губеше функција по функција. Секојдневно не шетаа од детското до интензивното одделение. Јовче падна во длабока кома Наеднаш му ја сменија дијагнозата. Од вирусен во туберколозен менингит. Му даваа силни лекарства. По три дена се утврди дека и оваа дијагноза не е точна Лекарите велеа земи си го детето ќе ви умре. Кога ги прашував од што, тие не знаеја да ми кажат", раскажува мајката Мирјана која што потенцирадека единствена морална подршка во тие тешки моменти добивала од докторката Софијанова и директорот на болницата Ацо Костовски.
Кога виделе дека му нема спас на детето, на нивно барање со лекарска придружба Јовче го однеле во Љубљана. По серијата испитувања било утврдено дека нему во Скопје му била давана погрешна терапија што провоцирала нови грчеви. Отпочнале со нова терапија. Јовче бил држен во вештачка кома. "Ниту таму не ја констатираа дијагнозата. Се посомневаа во 'порфирија', некоја ретка болест", вели Димитрија.
По три месеци, кога состојбата на детето почнала да се подобрува бидејќи Фондот не сакал повеќе да ги плаќа трошоците за лекување, родителите со детето се вратиле повотрно во Скопје и биле сместени на интензивното одделение на Детската клиника бидејќи детето требало да ја доприма терапијата . "По два месеца ни рекоа дека треба да ја напуштиле клиниката бидејќи треба да почнеме со физикална терапија", раскажува со воздишка Мирјана.
Заминале во охридската болница Свети Еразмо. Иако оваа болница не располага со соодветен персонал за ваков вид на пациенти, тие, сепак, им излегле во пресрет и ги примиле во болницата. Таму Јован бил сместен два месеци. Состојбата пак му се влошила и морале да се вратат на интензивното одделение на Детската клиника бидјќи детето не можело да дише.
По шетањето од клинака до клиника, Коловски детето си го зеле дома и отпочнале сами да го лекуваат со терапијата што им ја препишале во Љубљана. Редовно со мејлови контактираат со докторката Мирјана Перковиќ.
"Не знаеме веќе што да правиме. Финансиски не сме моќни да го однесеме нашиот син сами во странство. Ни останува само јавно да упатиме апел до сите надлежни институции во државава да се заинтересираат за овој случај, да помогнат нашиот Јовче да добие соодветн лекарски третман и да му дадат шанса за живот", велат очајните родители.
Малиот Јован реагира на дразби
Родителите тврдат дека состојбата на Јовче се подобрува. Успеале неговата телесна тежина да ја покачат од 17 килограми кога имал кога го отуштиле од болница на 25. Тој реагира на одредени дразби, дури и кога родителите му раскажуваат случки што заедно ги доживеале кога бил здараво дете, одвреме на време се насмевнува на шегите што му ги кажува неговата мајка., раните по телото му зараснуваат, а реагира и на разни звуци.
Го лечеа со лекови што веќе не се произведуваат
Мирјана и Димитрија велат дека малиот Јован го лечеле со се и сешто оти лекарите многу често му ја менувале и дијагнозата и лековите.
"Лекарите одеа од крајност во крајност. Не тераа сами да бараме и купуваме лекови. Некои од нив веќе и не се произведуваа, па во очај ги баравме насекаде. Се случи еднаш да најдам лек во една пиљара. Го купил некој човек чие дете било болно, а потоа се утврдило дека не му е потребен таков лек. Кога им го кажав ова на докторите во Словенија тие се фатија за глава".
"Сите доктори кои го прегледаа Јовче даваат различни дијагнози, а состојбата ја коментираат како ситуација меѓу кома и сон" вели Димитрија.
извор: Вест
ова е трагедија за нашето здравство, срамота јака им душа на родителите
_____________________________
Животот е убав за оние кои знаат да го живеат.
|
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
Испечати
.jpg){kind=small}
ајде уште еднаш 
За да преживее, на едномесечниот Павле Илиев, неопходна му е итна операција на срцето. Срцеви аномалии, кај малиот Павле, лекарите пронашле веднаш откако детето се родило. 
