|
mami -> RE: Кога прв пат се вади крв кај бебињата? (30.11.2009 14:36:52)
|
Крвна слика кај децата се прави со земање примерок од крв од прст,а референтните вредности се различни зависно од возраста на детето.
Првата проверка на крвна слика се прави со полни 3 месеци, како дел од систематскиот преглед на детето. Педијатрите сметаат дека после тоа е доволно проверка еднаш годишно, доколку детето правилно расте и се развива.
Бела лоза е стар назив за леукоцитите(бели крвни зрнца) и леукоцитната формула- која претставува збир од различни видови на леукоцити, од кои најзастапени се гранулоцитите, лимфоцитите, моноцитите и еозинофилите. При раѓањето бројот на леукоцити е зголемен, и воглавно тоа го прават сегментираните леукоцити, за да веќе од десетиот ден најголем број да бидат лимфоцитите.
Црвената лоза ги опфаќа еритроцитите(црвени крвни зрнца) и следбените параметри како што се хемоглобинот, хематокритот, MCV- просечна големина на еритроцитите, MCH- средна содржина на хемоглобин во еритроцитот, MCHC- средна концентрација на хемоглобин во еритроцитот и RDW- процент на отстапување на еритроцитите од просечната големина. Крвните плочки се првичен назив за тромбоцитите.
Вашиот педијатар е тој кој што треба да ги протолкува лабараториските извештаи од крвната слика во согласност со возраста и полот на детето.
Бактерија или вирус
Кога е во прашање инфекција, и кај деца и кај возрасни, може да се направат повеќе лабараториски анализи како што се- седиментација, испитување на леукоцитите, фибриногените и CRP (C-Reactive Protein). Тие ќе бидат само помошно средство на педијатарот да одреди дали се работи за вирусна или бактериска инфекција и дали треба да се вклучи антибиотик во терапијата. Бидејќи кај децата се вади крв од прст, најчесто како параметри за инфекција се одредуваат леукоцитите со формула и CRP.
Кај бактериските инфекции обично доаѓа до зголемување на бројот на леукоцитите, со доминација на сегментираните леукоцити и зголемена вредност на CRP.
Кај вирусната инфекција најчесто има помала вредност на леукоцитите и преовладуваат лимфоцитите, и има нормална вредност на CRP.
|
|
|
|