|
mami -> миризливи свеќи (20.8.2009 15:04:29)
|
Тие ја прават вашата атмосфера романтична, но дали се добри за вашето здравје? Според неодамнешните истражувања, научниците предупредуваат дека миризливите свеќи може да бидат опасни по човековото здравје.
Чадот кои го создаваат овие свеќи е богат со токсични материи кои што се поврзуваат со ракот, асмата и егземата.
Една свеќа нема да направи голема промена, но секојдневното користење на свеќи во бањата или пак во други непроветрени простории, може да биде опасно.
Американските научници гореле повеќе свеќи во лабораториски услови, а потоа ги собрале и тестирале остатоците од истите. Тестовите покажале дека свеќите кои содржеле парафински восок, а кои воедно се најраспространети, испуштаат потенцијално опасни количества хемикалии како што се толуен и бензен.
Некои од хемикалиите се поврзуваат со ракот, додека други може да предизвикаат асма или компликации на кожата.
Свеќите кои што се изработени од пчелин восок и соја, биле позитивно оценети.
Според зборовите на доктор Amid Hamidi, од Универзитетот во Јужна Каролина, повременото користење парафински миризливи свеќи не е опасно, но доколку користите многу свеќи често и во текот на повеќе години, во простории со слаба вентилација, тогаш е можно да се појават проблеми.
Затоа се препорачува поретко да се користат миризливи свеќи, а кога веќе ќе бидат употребени да се отвора прозорецот и да се проветрува просторијата.
|
|
|
|