ИЗВОРНА ПОРАКА: Боцко

Забележувам дека повеќето од нас имаат потпис во пораките. Би сакал да знам како го избравте токму тој потпис и какво е неговото значење за вас?
Ќе почнам од себе. Мојот потпис е една реченица од филмот за деца Kung Fu Panda. Според мене нејзинто значење е дека ништо не е невозможно и дека се што ќе посакаш може да ти се оствари доколку силно веруваш во тоа.

ИЗВОРНА ПОРАКА: April

во теорија звучи супер, во пракса малку потешко, но мораме да се обидеме да размислуваме позитивно, нели?

ИЗВОРНА ПОРАКА: Bitolcanka

Не е страшно ако наидуваме на препреки во животот (проблеми од лична природа, луѓе-пријатели-непријатели, забрани, падови ...), ако често паѓаме, не успеваме. Жално е кога дозволуваме таквите препреки да не запрат во нашата намера, нашата цел, кога застануваме, се повлекуваме, се откажуваме, стануваме негативни ... Со тоа им ја исполнуваме желбата на останатите-непријателите да не видат поразени, не веруваме во самите себе, стануваме слаби, нерешителни, депресивни, безволни ... Секој неуспех не прави посилни, не зајакнува. Секој пад ни дава мотив за повторен обид, за напредок, желба за успех, победа!
Мислата е резултат на мое лично искуство. Mе потсетува на предавањата за "Обука за личен и професинален развој" од една повозрасна жена, Американка која на толку оригинален начин за само 2-3 часа, додека бевме заедно (ние, нејзините слушатели и учесници) успеа во нас да ја разбуди надежта, преку примери, игра со балони, цртање, разговор. Им се восхитувам на таквите личности, од нивната енергија, жар, верба ... и се раководам од нивните постигнувања и искуства.