|
mami -> RE: chat room (4.2.2010 12:54:32)
|
Кафеанџиите ќе плаќаат такса за музиката
Се' уште не е познато колку и од кога кафеанџиите ќе треба да плаќаат за да добијат одобрение Кафеанџиите да плаќаат комунална такса за музиката што ја пуштаат во локалите. Ова е најновата предлог-одлука на градоначалникот Коце Трајановски, која наскоро веројатно ќе биде прифатена од неговите општински колеги. На оваа тема тие вчера дискутираа на шестото Координативно тело на градоначалници, при што Трајановски понудил предлог-решенија за регулирање на музиката во локалите.
„Начелно се договоривме локалите да мора да поседуваат одобренија за пуштање музика, односно за тоа да плаќаат комунална такса“, информираше накусо Трајановски.
Колкава сума и од кога кафеанџиите ќе почнат да плаќаат за да добијат соодветно одобрение се' уште не е познато. Инаку, ова била само една од темите на координацијата на градоначалниците. Се договориле и да донесат одлука со која на сите субјекти кои имаат потреба од раскопи на јавни површини зафатите да им бидат дозволени исклучиво доколку поседуваат соодветни одобренија за тоа. Било утврдено и решенијата за данок на имот да се дистрибуираат преку „Македонски пошти“, а Трајановски ги информирал колегите и за поголемите проекти на Градот.
„На колегите им пренесов и дека Градот планира до крајот на годинава да набави вкупно 35 комунални возила, за да се подобрат условите за работа на комуналното претпријатие, а истовремено ќе се создадат услови да се подига сметот од подрачјата што не се опфатени со ГУП“, дополни Трајановски, кој со образложение дека нема место во салата за состаноци, ниту овој пат не дозволи присуство на медиумите и следење на дискусијата меѓу градоначалниците, што ниту еднаш не беше случај во мандатот на претходната градска гарнитура. (Дс.Т.)
|
|
|
|