|
jovanka -> RE: chat room (3.3.2010 23:40:52)
|
Неделава починаа 20-годишна родилка во тетовската болница, 32-годишна жена во прилепската болница и 31-годишна жена во гостиварската болница и нејзиното машко бебе
Триесет и едногодишната родилка од Гостивар е третата жртва што почина деновиве во гостиварската болница, еден час по породувањето. Истата судбина неделава ја доживеаја и 20-годишната родилка од Тетово, и 32-годишната од Прилеп. За само три месеци три мајки кои на свет ги донесоа своите чеда во прилепската болница се здобија со компликации по породувањето, сепса и смрт. Во 21 век во земјава умираат родилки , главно, поради компликации и сепса.
Роднините на починатите мајки тврдат дека причина е лекарската негрижа, како и нехигиената во болницата, но и покрај тоа досега ниту еден лекарски тим не е казнет.
По наредба на Државниот санитарен и здравствен испекторат затворени се операциските сали во прилепската болница, додека во Заводот за здравствена заштита на Прилеп се вршат анализите на брисевите земени од сите вработени, од работните површини и во операциските сали.
Болницата е во многу лоша состојба, опремена е со стари апарати, а санитарните јазли се на распаѓање. Вработените признаваат дека самите си купуваат обични сапуни за миење раце, кои не се медицински и не дезинфицираат.
И за министерот за здравство, Бујар Османи, смртта на родилката од Прилеп е загрижувачка, бидејќи тоа е трета родилка што го губи животот за кратко време во таа болница. Токму поради тоа првиот човек на македонското здравство со експертски тим вчера замина во Прилеп за да увиди на самото место во каква состојба е гинеколошкиот оддел.
- Покрената е обемна истрага, ќе се преземат сите мерки во согласност со Законот, за да се лоцира вината и со тоа да се спречат вакви случаи во иднина, тврди Османи.
Министерот побарал оставка од директорот на болницата, а тој прифатил да поднесе оставка посочувајќи дека се повлекува од функцијата од морални причини.
Што се однесува пак за неговата одговорност како министер, тој е дециден и смета дека како лекар којшто доаѓа од јавното здравство и како пациент и корисник на здравствените услуги уште кога се нафатил да стане министер, ги знаел своите одговорности.
- Оваа состојба не е од денеска, таа се провлекува последните 20 години како резултат на комплетна негрижа за системот. Да се биде министер на вакво јавно здравство, кое е запоставувано, значи преземање на одговорност, потенцира Османи и додава дека таа одговорност ја чувствува од првиот ден, откога е назначен за министер.
Според него интрахоспиталните инфекции не се проблем со којшто се соочува само Македонија, тоа е глобален предизвик и токму затоа тоа е приоритет на секоја светска влада. Османи потсети дека во земјава веќе е формирана Национална комисија за контрола, следење и сузбивање на интрахоспиталните инфекции.
|
|
|
|