|
LoveableMe RR -> RE: Важни совети кога сте во IUI/IVF/ICSI (2.10.2014 11:28:31)
|
За жал, исхраната и витамините кои се препорачуваат при ИВФ воопшто не се помодарство, туку базирани на реални истражувања поради зголемениот проблем со неплодност кај паровите како резултат на стрес, загадување, пушење, прекумерно пиење алкохол и прекумерно конзумирање кафе и слично. Соочени со се поголемиот проблем на неплодност, а и заради подобрување на успехот на ИВФ постапките, извршени се истражувања, кои докажале дека одредени витамини и соодветна исхрана придонеле за поголем успех на ИВФ постапките. Тоа не значи дека сите треба да ги применуваат, но оние кои сакаат поголем процент на успех, секако да.
Во однос на внесот на кафе, испитувањата покажуваат дека преголеми количини кафе може да ги намали шансите за успех при ИВФ, особено доколку се конзумираат повеќе од 5 шолји кафе дневно. Пиењето на една до две шолји кафе дневно не покажало дека ги намалува шансите за успех при ИВФ. Наодите покажуваат дека преголемите количини кафе еднакво штетат како ипушењето во текот на ИВФ постапката. Она на што повеќе се обрнало внимание е дека можеби стресот, а не кафето, придонесуваат за помали шанси на успех при ИВФ, затоа што жените кои пиеле повеќе од 5 шолји кафе дневно биле под стрес од самата ИВФ постапка и прибегнувале кон пиење кафе како начин да се релаксираат, што напротив придонело за преголем внес на кофеин во организмот и со тоа намалени шанси за успех при ИВФ.
Студијата е презентирана на состанокот на ESHRE Турција. (д-р. Авнер Хершлаг, шеф на Центарот за хумана репродукција NSLI ЈХS, Њујорк и д-р Улрик Шиолер Кесмодел, Аарус универзитетска клиника, Данска)
|
|
|
|