RE: Екстерно тестирање (Целосна верзија)

Форум >> [Дете] >> Од деца до ученици



Порака

Octavia -> RE: Екстерно тестирање (24.6.2013 12:09:07)

Денес стигнаа резултатите од екстерното по училиштата. Јас да си го пофалам син ми, двете му се 5 [sm=smiley1.gif] (5 си има и од наставниците).



ostoun -> RE: Екстерно тестирање (26.6.2013 22:58:20)

Дали ги има на интернет некаде резултатите?



Felly RR -> RE: Екстерно тестирање (26.6.2013 23:02:24)

Мислам дека на интернет ги нема, во училиштата беа објавени.



ostoun -> RE: Екстерно тестирање (27.6.2013 14:11:11)

Fala : - )



Палешка РР -> RE: Екстерно тестирање (27.6.2013 14:15:49)

Син ми до лани имаше 5-ка по македонски. Оваа година има друга професорка, која му пиша 2-ка [sm=zmeden.gif]
На екстерното му се погоди македонски да полага и добил оценка 5!

И сега? Кај да се жалам јас дека професоркава пишала нереална оценка? Значи тоа не беше моја забелешка бидејќи си го сакам синчето, еве излезе на виделина. Ама никому ништо...



Octavia -> RE: Екстерно тестирање (27.6.2013 14:54:35)

Палешка, право на приговор на оценка од наставник имаш мислам во рок од 3 дена од потврдувањето на оценката. Тоа би значело три дена од наставничкиот совет после кој училиштето е должно да закаже родителска средба и да ги информира родителите за оценките и за можноста да се поднесе приговор доколку родителот смета дека некоја оценка е несоодветна. Потоа Наставничкиот совет одлучува по жалбата која може да ја прифати, да ја отфрли или да организира дополнително испрашување за ученикот пред комисија во која не смее да биде предметниот наставник. Од Наставничкиот совет сигурно се веќе поминати повеќе од три дена... Ама ако не ја испочитувале тие процедурата (да имаат закажано родителска средба по наставничкиот совет, иако наставната година е завршена, должни се, зашто учебната година не е завршена уште) тогаш можеш да се повикаш и на тоа. Во секој случај, очигледно има проблем со оценката на наставникот, не е мала разликата. Ако ништо друго, да се надевааш дека ќе ја казнат 20% од плата штом така оценува.



Палешка РР -> RE: Екстерно тестирање (27.6.2013 15:05:17)

Фала Октавија, ова навистина не е фер. Изгледа дека оценките од екстерното тестирање не влијаат на оценката, па можеби ќе се одлучам за тој чекор. Барем да ја казнат, ако ништо друго [sm=zmeden.gif]



Octavia -> RE: Екстерно тестирање (27.6.2013 15:14:09)

Не е баш за тука, ама еве детално инфо според законот

Член 72

Годишните оценки одделенскиот, односно раководителот на паралелката на родителите ги соопштува на родителска средба која се одржува три дена по денот на одржувањето на наставничкиот совет на кој се утврдуваат годишните оценки на учениците.
Ако ученикот или родителот не е задоволен од годишна оценка, родителот има право, во рок од три дена од денот на соопштувањето на успехот, да поднесе писмен приговор до наставничкиот совет на училиштето, кој треба да биде образложен.
Наставничкиот совет по приговорот решава наредниот ден од денот на истекот на рокот од ставот (2) на овој член.
Наставничкиот совет може приговорот да го уважи, да го одбие или да организира повторна проверка на знаењата на ученикот.
За повторна проверка на знаењето директорот, најдоцна во рок од пет дена од денот на приемот на приговорот, формира комисија за повторна проверка на знаењето.
Комисијата од ставот (5) на овој член е составена од претседател и два члена-испитувачи.
Претседателот на комисијата, по правило, е одделенскиот раководител, односно раководителот на паралелката во која ученикот учи, а за членови - испитувачи се именуваат наставници по предметот по кој се врши проверувањето на знаењето од редот на наставниците од училиштето или од друго основно училиште.
Претседател и член-испитувач на комисијата не може да биде наставникот кој ја утврдил оценката.
Оценката на комисијата е конечна.



Hunny -> RE: Екстерно тестирање (27.6.2013 16:36:21)

Не сакам да звучам дека одам контра вас, ама поднесете приговор само ако сте сигурни во знаењето на вашето дете. На екстерното многу слаби ученици препишаа од своите другари па добија 5. Ако сте сигурни дека сте во право, поднесете приговор и вашето дете ќе одговара пред тричлена комисија и таа ќе го оцени. А во однос на родителските тоа е точно и сите наставници одржаа родителска.



Hunny -> RE: Екстерно тестирање (27.6.2013 16:38:16)

Инаку да ви кажам дека успехот по македонски конкретно беше скоро 5:00 и дали е тоа реално? Не, затоа што повеќето прашања беа од општа култура.



Hunny -> RE: Екстерно тестирање (27.6.2013 16:40:40)

Палешка погрешно си информирана, оценката што ја добил твојот син, исто така ќе стои во свидетелството, т. е. ќе ги има и двете оценки , па на тој начин и петката што ја добил ќе му влијае на просекот.



Палешка РР -> RE: Екстерно тестирање (27.6.2013 16:47:43)

Е па супер [sm=bravo.gif]

Инаку можеби си во право, ако прашањата биле од општа култура можеби затоа е висок просекот.
Но јас мислам дека моето дете знае повеќе бидејќи кај друг професор имаше 5 две години по ред.
Сега помина времето за жалби, макар што се сомневам дека ќе се жалав....така в година може и на полагање таа да го остави.



Hunny -> RE: Екстерно тестирање (27.6.2013 16:52:20)

Да двете оценки стојат и влегуваат во просекот. Ама ако мислиш дека твоето дете знае повеќе, па зошто и да не поднесеш приговор? Макар што мислам дека е малку и доцна. А наставничката ќе биде казнета според просекот на вкупните отстапки кај сите оценки, не само од една. Комплицирано е , ама овие денови си го живеам филмот екстерно тестирање и одвај чекам да заврши.



vezilka RR -> RE: Екстерно тестирање (4.7.2013 10:41:04)

Младински образовен форум организира петиција со која ги повикува сите ученици, наставници, професори, родители и загрижени граѓани да се потпишат со петицијата од надлежните институции се бара овогодинешното екстерно оценување да се прогласи за пилот.

Пораката на петицијата е да се направи сериозна анализа на пропустите од спроведувањето на екстерното оценување, да се работи на редефинирање на целите во насока на подобрување на образовниот систем, да се напушти концептот на пласирање притисок и страв врз учениците и наставниот кадар и да се корегираат сите технички пропусти. Единствено доколку тестирањето се прогласи за пилот учениците и професорите нема да бидат оштетени, а образованиот процес ќе добие одлична можност за корекција и подобрување.

Што мислите за ова? Има ли заинтересирани потпишувачи на петицијата на форумот?





JovanaJ -> RE: Екстерно тестирање (4.7.2013 11:12:16)

Peticijata e odlicna idea, navistina mora da se razgledaat i redefiniraat celite na ova eksterno testiranje. Mora dobro da se izanalizira dali e ova navistina vistincki nacin da se postigne toa sto se saka da se postigne.



Felly RR -> RE: Екстерно тестирање (22.5.2014 9:26:37)

АЈде малку пак да ја активираме темава. Оваа година екстерното тестирање ќе се спроведува првата недела од јуни, а на учениците ќе им биде познато по кој предмет ќе бидат тестирани 3 дена пред тестот. Објавени се прашања по сите предмети, и тоа зависно од бројот на часови по тој предмет неделно. На пр. ако предметот се изучува со 3 часа неделно, има 300 прашања. И тоа се само прашања, значи без одговорите. Што мислите - дали ова им ја олеснува работата на учениците или пак уште повеќе ќе ги оптовари?



Defne90 RR -> RE: Екстерно тестирање (22.5.2014 9:33:53)

Леле јас мислам дека ептен ги оптоваруваат денешните деца со тоа.Си имам правено и муабет со учителките и наставниците и тие го велат истото.И ним им е терет тоа ама нема што да прават.А што е многу е многу.Замислете сега колку прашања би имале доколку еден предмет го имаат 5 пати неделно.Значи тоа му доаѓа 500 прашања.Што е многу е многу.Јас лично сметам дека децата и те како се оптеретени со учење.Немаат воопшто слободно време,и со тие тестовите што постојано ги прават.Кога и да ги прашам братучетките на маж ми како си поминале на школо тие секогаш ми кажуваат дека правеле тест.Скоро секој ден тестови,па уште и екстерното им го закачија.Леле мене паника ме фаќа како ќе биде кога и синк ќе тргне на училиште.Којзнае како ќе се справи.[sm=zmeden.gif]



Felly RR -> RE: Екстерно тестирање (25.6.2014 22:52:11)

Оваа година резултие од екстерното повисоки од лани. Просечна оценка од екстерното тестирање е 3.63 а лани била 3,25. Највисоки резултати, односно просек од 4,94 постигнати од учениците од едно основно училиште во Скопје, општина Центар. Што мислите - реални ли се овие резултати?!?



Страница: <<   < Претходна страница  1 2 [3]