|
ripce -> RE: Железото во крвта (17.11.2009 8:31:10)
|
Зошто е потребно железото?
Железото е важно за создавање на хемоглобинот, протеин во црвените крвни зрнца кој го дистрибуира кислородот до други келии. Исто така е важна состојка на миоглобинот (протеин кој го помага доставувањето на кислородот до мускулите), колагенот (протеин во коските, рскавицата и другите поврзувачки ткива), и многу ензими. Уште поважно е тоа што железото помага во одржување на имунолошкиот систем. За време на бременоста, потребата од железото значително расте. Прво, количината на крв се зголемува за скоро 50% повеќе од вообичаено, затоа е потребно повеќе железо за да се создаде повеќе хемоглобин. Повеќе железо е потребно и за плодот кој расте секојдневнo и за плацентата. Повеќето жени ја започнуваат бременоста без значителна залиха на железо во нивниот организам за да можат да одговорат на зголемените потреби - особено во второто и третото тромесечје од бременоста - и неможат да го покачат нивото на железото само преку исхраната, па многу често е потребно земање на дополнително количество на железо.
Колку железо е потребно за време на бременоста?
Препорачаната количина е 27 mg дневно за бремени жени, што е многу повеќе од 18 mg дневно кои ви се потребни пред да забремените. Дали да користам додатоци?
Повеќето од експертите сметаат дека треба. Иако телото за време на бременоста подобро го абсорбира железото, најверојатно нема да можете да примите доволно количество од овој минерал само преку правилната исхрана, дури и да сте здрави. Се препорачува дневно по 30 mg железо. На првиот преглед кај гинекологот најверојатно ќе препорача витамини наменети за бременоста кои содржат најмалку 30 mg железо и ред други витамини и минерали.
Која храна е најдобар извор на железо?
Освен ако не сте вегетарјанец, црвеното месо е еден од најдобрите извори на железо за време на бременоста. Џигерот има најголема концентрација на железо, но истовремено содржи количество на витамин А кое не е безбедно за време на бременоста и затоа во тој период избегнувајте негова консумација.
Месото, живината и рибата имаат тип на минерал наречен heme железо кој е полесен за абсорбција, отколку оној кој може да се сретне во мешунките, зеленчукот и житариците наречен nonheme железо. Nonheme железото се користи во исхраната збогатена со железо и додатоците. Од тие причини вегетарјанците имаат потешкотии во примање на доволна количина на железо од секојдневната исхрана.
Но,ова не значи дека треба секој ден да јадете големо парче месо за да ги задоволите дневните потреби од железо. Со додавање на мала количина на месо или риба, и храна богата со витамин Ц како на пример: сок од портокал, јагоди или брокули во вашето дневно мени ќе помогне вашето тело да прими повеќе железо. Еве уште неколку совети како да внесете доволна количина железо од храната која ја консумирате:
-гответе во тава од леано железо
-намалете со кафето и чајот или пијте ги помеѓу оброците, бидејќи тие содржат состојки наречени феноли кои ја попречуваат абсорбцијата на железото. Истото го прави и калциумот, па ако земате додатоци од калциум во тој случај додатоците земајте ги помеѓу оброците.
Што би се случило ако не се внесува доволна количина на железо?
Во случај кога не внесувате доволно железо, со тек на времето залихите во организмот се исцрпуваат. Кога би дошле во ситуација кога немате повеќе железо во крвта за да се создава хемоглобин, станувате анемични. Анемијата или недостатокот од железо може да ве изнемошти и го оневозможува вашето тело да се бори против разните инфекции. Исто така може да влијае на бременоста. Недостатокот на железо во првото и второто тромесечје е поврзано со предвремено породување и бебе со мала родилна тежина. Ако анемијата се појави во подоцнежниот период од бременоста можно е да имате потреба од трансфузија и или пак да имате други проблеми доколку изгубите многу крв при пороѓајот. Додека е во матката вашето бебе само се грижи за добивање на потребното количество железо. Тоа ќе си земе онолку колку што му е потребно пред вас. Но ако имате значително ниско ниво на железо, може да ги загрозите залихите на железо на вашето бебе при раѓањето, и зголемувајќи го ризикот за појава на анемија подоцна. Кои се знаците на недостаток од железо анемија, и како се лекува?
Може и да немате никакви знаци кои би укажале на анемија и да се изненадите кога ќе дознаете дека сте анемична при рутинска проверка на крвта. Или пак може да се чувствувате изморени, изнемоштени и да имате појава на вртоглавици. Можеби би имале повеќе бледило од вообичаено, особено кај ноктите на прстите на раката, внатрешниот дел од очните капаци, устата, дури и забрзано чукање на срцето, кратко дишење, проблеми со концентрацијата.
Поради можните проблеми како резултат од анемијата, за време на бременоста контролата на крвната слика се прави уште при првиот преглед. Ако се констатира дека имате недостаток од железо тогаш би можело дневно да примате и 60-120 mg железо.
Дали има контра ефекти од земање могу железо?
Високи нивоа на железо можат да му наштетат на вашиот гастроинтестинален тракт. Најчеста последица е запек, што е веќе и така проблем за многу трудни жени. Истотака, но многу ретко, може да имате и дијареа. Доколку имате запек пробајте да пиете сок од сливи тоа би требало да ја регулира вашата столица. А и доколку изметот ви е темен не се секирајте тоа е вообичаена појава.
|
|
|
|