|
sandriana RR -> Сакам да јадам само -Finger food (12.11.2015 10:32:15)
|
Што е Finger food за бебиња?
Секоја храна во големина на залче, мали парчиња храна кои бебето може да ги фати и само да ги внесе во уста и да ги џвака се нарекува finger food, или во слободен превод Храна за јадење со раце (поравете ме во преводов, доколку има посоодветен термин).
Овој вид храна е забавен начин за хранење на бебето и важен чекор кон независност, кој му помага и да ги развива фините моторички вештини и координација.
Најсоодветен период за воведување на овој начин на хранење е некаде после 8от месец, кога и самото бебе најверојатно ќе покаже дека е заинтересирано и подготвено да се храни само, посегнувајки да ја земе лажицата со која го храните. Можно е на почеток да се посега по храната во чинијата и да ја размачка низ рацете, обидувајки се да ја донесе до устата.
Најсоодветна храна за ваков начин на консумирање се парченца банана, авокадо,лубеница, праска житарки во соодветна форма, парченца тостирано лепче, парченца меко сирење, парченца тврдо варено јајце, и соодветно обарен/сварен зеленчук - морков, брокула, компир.
Какво е вашето искуство или став за Finger food?
Моите деца токму од таа возраст- околу 8 месеци покажуваа интерес за сами да се хранат, и јас го дозволував и применував овој метод, секако во комбинација со дополнително хранење на потечната храна во меѓувреме од моја страна.
|
|
|
|