|
mother 29 -> RE: Тато на породилно (21.10.2009 15:29:00)
|
Два месеца породилно за татковците
Заедно со мајките, породилно ќе користат и татковците, а новите поволности ќе важат за оние чии бебиња ќе се родат од први јануари 2009 година
Од следната година, освен мајките, на породилно ќе седат и татковците. Со измените на Законот за работни односи се предвидува покрај родилката трудничко да користи и таткото во траење од два месеца. За тој период мажите ќе земаат цела плата, преку Фондот за здравствено осигурување. Истовремено државата ќе им плаќа придонеси и ќе им тече работен стаж. Паралелно со оваа новина ќе стартува и продолжување на постојното породилно отсуство за мајките од девет месеци на една година. Мајките, пак, што ќе родат близнаци или повеќе деца истовремено, ќе користат породилно од 15 месеци, наместо како до сега една година.
"Новите поволности ќе важат за оние што ќе родат или ќе отворат породилно боледување од први јануари 2009 година", велат во Министерството за труд и социјална политика. "Досега двајцата родители не можеа истовремено да користат породилно. Таткото имаше право да користи породилно, ако мајката претходно се откажеше од тоа", објаснуваат во ресорното министерство.
Идејата за новото право на мажите, во Министерството за труд велат дека е по примерот од другите земји. Тие процениле дека е корисно во првите два месеца таткото да биде дома со новороденчето, за да и се најде на мајката.
Новината е направена согласно политиката и мерките за демографскиот развој на земјава и имаат за цел да го стимулираат наталитетот.
Измените на Законот за работни односи се готови и деновиве ќе се испратат до Владата. Тие веќе се испратени и кај социјалните партнери, односно до синдикатите и до работодавците. извор. вест
|
|
|
|