|
mami -> RE: Концерт во чест на Тоше Проески (25.1.2010 8:42:42)
|
„Тоше и пријателите“ е името на албумот кој официјално ја имаше својата промоција на 8-те нумери компонирани од Тоше, а испеани од неговите пријатели и колеги од Македонија и Балканот.
Собрани на едно место се сеќаваа на него, неговата емоција преточена во музика, светото место манастирот Св. Преображение и неговата желба ова место да добие светлина што ќе се исполни како роденденски подарок.
„Чудно ми е што не знаевме дека така добро компонира, можеби самиот не сакаше тоа да се знае па го чуваше за себе или за некои колеги, неверојатен дар за компонирање, не беше само одличен вокал, туку и композитор“, рече Јелена Томашевиќ, пејачка.
„Јас во него верував секогаш, не само како одличен изведувач туку и како автор. Малкумина знаат дека уште на неговиот прв албум тој се проба како композитор“, вели Огнен Неделковски, композитор.
„Тоше отпеа толкав опус за тој негов краток млад живот, што многу пејачи не би можеле ни да сонуваат за пет нивни животи“, изјави Калиопи, пејачка.
„Голема беше поврзаноста помеѓу семејствата Новковиќ и Проески. Мојот покоен татко го обожаваше Тоше и од првиот момент кога го виде и мислам дека тоа е логично продолжение“, истакна Борис Новковиќ, пејач.
„Још увјек сањам да смо заједно“ е нумерата која се најде на новопромовираниот албум испеана од големата легенда, посебен музички продукт и видео запис за истата.
|
|
|
|