 |
RE: Стрии,целулит,попуштени вени,испукани кап...
13.11.2009 21:34:08
|
|
|
|
Палешка РР
|
Стриите се многу честа појава во бременоста, се јавуваат кај 75-90% од бремените жени. Иако не претставуваат опасност за мајката или бебето, сепак стриите кај многу жени предизвикуваат загриженост заради козметичкиот ефект кој го оставаат.
ШТО ГИ ПРЕДИЗВИКУВА СТРИИТЕ
Појавата на стрии во текот на бременоста се должи на 2 фактора:
Првиот фактор се должи на растегањето на кожата. Стрии заради оваа причина може да се појават и во други периоди од животот, на пример ако личноста качи килажа за кратко време. Кожата се адаптира на зголемената маса на телото, но ако качувањето на килажата е пребрзо, таа нема време за потполно да се прилагоди и доаѓа до нејзино распукнување, односно до појава на стрии.
Вториот фактор се хормоните, карактеристични за бременоста. Хормоните предизвикуваат складирање на поголемо количество на вода во кожата, а со тоа ги ослабуваат врските помеѓу колагенските влакна, што од своја страна овозможува да дојде до распукнување на кожата и појава на стрии.
КАДЕ И КОГА СЕ ПОЈАВУВААТ СТРИИТЕ
Кај повеќето бремени жени стриите почнуваат да се приметуваат во 6-7 месец од бременоста. Но кај некои се приметуваат веднаш штом ќе почне да се проширува стомакот. Развојот на стриите се одвива во 3 фази:
- Во раната фаза стриите имаат розова боја и можат да предизвикаат чешање на кожата. Кожата околу нив изгледа истенчено.
- Во втората фаза, постепено пукнатините се зголемуваат и бојата се менува во црвеникава или пурпурна.
- Во третата фза, откако ќе созреат, стриите ја губат црвенкастата боја. Во наредните месеци по породувањето избледуваат и стануваат бледо – белузлави.
Повеќето жени за време на бременоста добиваат стрии на стомакот. Но не е ретко да се појават и на градите, колковите, долниот дел од грбот, бутовите и сл. Всушност најголема можност има на да се појават на оние делови од телото, каде што се насобира поголемо количество на масти.
КАКО ДА СЕ СПРЕЧИ ПОЈАВАТА НА СТРИИ ВО БРЕМЕНОСТА
Научниците водат дебати за тоа како и дали може да се спречи појавата на стрии во бременоста, но едно е сигурно: генетскиот фактор има многу голема улога. Тоа практично значи дека ако вашата мајка имала стрии во бременоста, тогаш шансите да ги добиете и вие се многу големи.
Повеќето стручњаци се согласуват дека ако сте генетски предиспонирани да ги добиете стриите, речиси е невозможно да ги избегнете. Сепак постојат некои работи кои можете да ги направите за да го намалите нивниот интензитет.
- Имајте здрава и балансирана исхрана, богата со овошје и зеленчук . Тоа не само што е од огромна важност за вашето здравје и здравјето на бебето, туку е добро и за вашата кожа. Правилното качување на телесна тежина во бременоста може да ја ублажи појавата на стрии. Ако во бременоста не качите повеќе од препорачаната килажа, тогаш имате помали изгледи за да добиете стрии.
- Доколку лекарот ви препишал пренатални витамини, земајте ги редовно, тоа ќе ја подобри и состојбата на вашата кожа.
- Туширањето со топла вода наутро и навечер, ќе помогне порите на кожата да бидат пораширени, а со тоа и кожата да биде поелстична.
- Додека се туширате деловите каде се појавени стриите или каде што очекувате да се појават, масирајте ги со четка. Тоа ќе ја подобри циркулацијата во критичната област.
- Пијте многу вода. Правилната хидратација е многу важна и за вашето здравје и здравјето на бебето, а во исто време ќе ви овозможи поубава кожа.
- Можете да користите некој од многубројните препарати и масла наменети исклучиво против стрии во бременоста. Започнете со користењето на овие препарати уште во првото или второто тромесечие, но запомнете дека ниту еден од нив не може да направи чудо. Тие може да помогнат кожата да биде хидрирана и да ублажат појавата на стриите.
- На многу жени им помага мачкањето со какао путер. Какао путерот не само што е добар во превенцијата на стриите, туку според искуствата помага и за нивно ублажување ако се користи и после породувањето.
- Откако ќе се породите, продолжете со истата нега.
На крај и доколку ги добиете стриите и покрај придржувањето кон упатствата, немојте да бидете очајни: со текот на времето тие ке избледат и ќе бидат многу помалку приметливи, а тоа е релативно мала цена која ќе ја платите, во споредба со радоста што ќе ви ја донесе бебето.
Денес расте популарноста на користењето на ласерски третмани за отстранување на стриите. Се работи за брза метода, која може целосно да ги отстрани трагите од стрии.
_____________________________
When I'm good, I'm very good, but when I'm bad, I'm better.
|
|
|
|
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
Испечати
Imam na gradite, na stomakot i na prednata strana od butinite. Nemozam vo ogledalo da se poglednam, a se popraviv 15kg vo cela bremenost. Se nadevam deka ke najdeme nesto sto ke ne utesi
хехехе веке сум во 6 месец (21недела) имам некоја крема против стрии од овде уште од 2 месец од 3 месец сестрами ми пушти од австралија некој лосион против стрии и исто сама си направив мешавина од павловичева а/д и бадемово масло и плус млекото за тело што си го користам века 10-тина години и се мачкам некогаш 2-3 пати на ден можеби нема никаква врска тоа но се надевам дека нема да се појават 
Mene so Ilija ne mi izleze nitu edna striicka,a nemam zabelezano nitu sega,no poznavam mnogu koi go imale ovoj problem i kaj site se prvo crveni duri i modri,no potoa pobeluvaat.
