|
Еца -> Доплер - ултразвук (16.6.2009 14:59:00)
|
Прегледот со доплер-ултразвук може да биде од пресудно значење за жените што имаат ризична бременост особено во фази кога се вршат главните ултразвучни прегледи.
-Следењето на плодот е можно уште во најраните фази на бременост, а во 20-тата гестациска недела, кога се врши и главниот ултразвучен преглед, доплер се користи како скрининг за некои болести што најчесто се јавуваат во текот на бременоста, како што се, на пример, плод со мала тежина или покачен отпор на ниво на папочната артерија. Тоа се параметри што кажуваат како понатаму. На пример, покачениот отпор на ниво на папочна артерија зборува за болести од страна на мајката или некои промени на постелката, што понатаму би можеле да доведат до компликации во бременоста. Една од можните компликации се гестозите и зголемен крвен притисок кај родилката, а од ова може да произлезе и плодот да се роди со мала родилна тежина. Преку скринингот, пак, од 20 до 24 недела, ако се абнормални протеците низ крвните садови, може да ни навести дека можеме да очекуваме компликации во таа бременост, што сигнализира дека е потребна појака контрола на бременоста.доплер зборува за циркулаторните промени, крвотокот и што би значело тоа во интерпретацијата за актуелната и перспективната состојба на тој плод.
|
|
|
|