|
mami -> Децата од Хаити (25.1.2010 8:53:09)
|
Исчезнатите деца од Хаити на црниот пазар на луѓе
[image]http://www.utrinski.com.mk/WBStorage/Articles/2E75CF752EAF0640AE943FAC03E834F1.jpg[/image] Не може да се определи точниот број деца за кои се тврди дека ги нема, пишува "Гардијан"
Лондон - Меѓународните хуманитарни организации, ангажирани на Хаити по катастрофалниот земјотрес, предупредуваат дека децата што се исчезнати од локалните болници по потресот, би можело да се прошверцувани на црниот пазар на луѓе, пишува „Гардијан“.
Засега не може да се определи точниот број на децата за кои се тврди дека никаде ги нема и за кои се стравува дека се киднапирани и прошверцувани некаде надвор од Хаити, но хуманитарните работници зборуваат за дваесетина деца. Стравувањето на овие агенции за судбината на малолетниците е поттикнато од досегашното искуство со Хаити, каде и пред земјотресот беше раширена појавата за шверцување и препродавање на деца на западниот пазар.
Лондонскиот весник забележува дека таа појава на Хаити сега би можело да добие нов замав, откако многу тамошни деца по земјотресот останаа сами, без родителите што загинале во урнатините на Порт-о-Пренс. Хуманитарните агенции ги советуваат луѓето во западните држави, што сакаат да посвојат дете, да не избрзуваат со одлуката за посвојување деца од Хаити, затоа што тоа може да биде „прерана и опасна“ одлука, бидејќи повеќето од нив можеби не се сираци, туку се киднапирани.
Некои земји, како САД, Германија и Франција, одлучија да ја скратат процедурата за посвојување, за да го олеснат извлекувањето на децата од трусната зона, но по пријавеното исчезнување на деца од болниците француските власти прекинаа со брзото посвојување, забележува „Гардијан“. (МИА)
|
|
|
|