|
mami -> RE: Западот под вода (24.2.2010 11:13:07)
|
За месец, месец и половина втора катастрофална поплава во Општина Пласница. Патиштата се блокирани, училиштата се под вода, а поплавени биле и над 100 хектари обработливи површини. Градоначалникот Исмаил Јаоски обвини дека и по втор пат Владата воопшто не реагира. Над 4.000 жителите на селото Пласница се уште се отсечени од остатокот на Општината, бидејќи мостот кој тогаш се урна се уште не е саниран, а не е изграден ниту друг алтернативен пат, жителите не можат да се снабдат со основните намирници. „Да не даде Господ, доколку под итно не се реагира, може да се случи и мостот кај месноста Преглово да се урне, како што се урна мостот кај селото Пласница, тогаш сите 6.500 жители од Општината не ќе можат од регионалниот пат да стигнат до своите домови“, изјави Исмаил Јаоски, градоначалник на Општина Пласница. „Сега со страв минуваме по мостот, не можеме да одиме тука со ниту едно возило, производи носиме со магариња, ова е срамота бидејќи никој не презема ништо за овој мост“, вели Адем Бејзароски, жител на с. Пласница. Иако им било ветено се уште не е расчистено коритото на реката Треска. Жителите велат дека поради тоа училиштето се поплавува, а уништени биле и 80 проценти од посевите. Стравуваат и од целосно поплавување на училиштето.„Доколку само уште малку се зголеми нивото на реката тогаш постои голема опасност водата да навлезе и во училиштето и да предизвика огромни штети“, истакна Даут Хаџиреџеп, секретар во училиштето во с. Лисичани.Од Општината велат доколку под итно не се реагира последиците можат да бидат уште покатастрофални.
|
|
|
|