|
mami -> Кондом (10.7.2009 14:48:35)
|
КОРИСТЕЊЕ НА КОНДОМ
Правилно користени, кондомите овозможуват заштита од ХИВ, други СПБ и бременост. Ако високо-квалитетен кондом се скине, тоа речиси секогаш се должи на неправилна употреба. Доколку се продолжи со коитусот и после ејакулацијата постои ризик од истекување на спермата. Кондомот исто така може да се слизне од пенисот. Постојат начини за избегнување на овие проблеми. Што е важно при користење на кондомот? - Мажите кои не знаат како се користи кондом, потребно е да купат едно пакетче, и следејки ги инструкциите во упатството да пробаат да ги употребат. Подобро е да се научи како да се употребува кондом во смирена состојба, отколку при сексуална возбуда или нервоза.
- Внимавај со нокти или прстени да не го оштетиш кондомот кога ќе го вадиш од обвивката. Кога прстите се суви, кондомот се вади лесно. Ако прстите се лепливи, кинењето на обвивката е потешко. Никогаш немој да ја кинеш обвивката со заби (како што многумина прават). Подобро избриши ги рацете. Оштетениот кондом не овозможува соодветна заштита.
- Провери на која страна се одмотува кондомот.
- Држи го врвот на кондомот (кој понекогаш е со мало проширено врвче за да ја собере спермата) меѓу палецот и показалецот, за да го истиснеш поголемиот дел од воздухот од кондомот.
- Стави го кондомот на врвот од пенисот и одмотувај го надолу до каде што е можно. Види колкав дел од пенисот е покриен со кондомот. Дали кондомот стигнува до коренот на пенисот или многу погоре?
- Ако ги следиш горните инструкции, кондомот ќе ти пружи максимална заштита. За време на односот добро е да провериш со прстите дали кондомот е на место. Ова е особено важно ако кондомот не стигнува до коренот на пенисот, бидејќи во ваков случај многу поверојатно е тој да се одмота.
- Кога користиш кондом при вагинален или анален однос, не треба да продолжуваш со коитусот после ејакулацијата, дури и ако се уште имаш ерекција и посебно ако кондомот не стигнува до коренот на пенисот. Постои ризик спермата да се истисне од кондомот и да влезе во твојата партнерка. Полесно е да се прекине односот ако твојата партнерка доживеала оргазам пред тебе. Пробај да го постигнеш ова. Ако не успееш, помогни и'' на партнерката да доживее оргазам на некој друг начин.
- По ејакулацијата, извади го пенисот надвор пред да се спушти, во спротивно постои значителен ризик кондомот да се слизне внатре во вагината или во анусот. Кога го вадиш пенисот надвор, придржувај го кондомот со прстите.
- Ако сакаш да бидеш посебно внимателен (што е посебно добро при анален однос поради поголемиот ризик од ХИВ инфекција), можеш да го извадиш пенисот надвор пред ејакулацијата и да го завршиш односот ејакулирајќи надвор.
|
|
|
|