БИМАС 2010

Успешна македонско - словенечка културна соработка

Скопје, 24. март (ИНПРЕС)

Утре и задутре, во посета на Република Македонија и на Министерството за култура ќе престојува министерот за култура на Република Словенија, Мајда Ширца.

Утревечер, во 20 часот, во Музејот на современата уметност, министерите за култура на двете земји Елизабета Канческа - Милевска и Мајда Ширца ќе се обратат на отворањето на изложбите: „Современа словенечка архитектура 1999-2010“ и „Јоже Плечник (1872-1957 ), архитект во Љубљана, Прага и Виена“.

Изложбите се во рамките на 15-тото Биенале на македонската архитектура „БИМАС 2010“.

Посетата на словенечката министерка на нашата земја е уште една потврда на традиционално добрите односи меѓу Република Македонија и Република Словенија во областа на културата.

За време на престојот ќе биде остварена и официјална средба меѓу Канческа-Милевска и Ширца, на која ќе се разговара за продлабочување на културната соработка меѓу двете земји. Воедно двете министерки ќе посетат и неколку културни знаменитости во Скопје. (Крај)

http://www.inpress.mk/?ItemID=6B4F21BEB0A70A4FAB8125AD40120C69



http://www.kurir.com.mk/index.php/vesti/makedonija/11121-slovenija-ministerka-vo-poseta-na-makedonija
http://architect.mk/arhitektura/domashna/593-bimas-2010-otvoranje-i-programa
http://www.rtvslo.si/kultura/novice/slovenske-arhitekturne-ideje-v-skopju/226455

за успешната соработка

Агнес драга...ајде дојди со делегацијата...Цела година помина од минатата средба...

ха, ха па дојдем со нека друга делегацијата