Hopeful RR
|
И мене ме нервира целото патријархално форсирање на мајката и мајчинството, дури до степен на мит, ко да таткото е глуп идиот кој само го направил детето и сега цел живот ќе пие пиво на кауч, додека мајката е едина која го разбира детето. Свашта.
Проблемот е што на патријархално уреденото општество, посебно па балканскиот синдром, му одговара ваква слика, затоа што дополнително го амнестира таткото од одговорност, обврски и посветување, нешто на што е социјално и културолошки научен од мал. Како тоа, нешто што е градено со векови, да се сруши тек така?! Се знае, мајката ќе седи дома затворена во четири ѕида, а таткото е номадот кој може да шета и да прави што сака. Во ваков контекст, на балканските мажи ич па не им одговара промена на идеолошките претстави и симболичките слики - затоа кај нас нема фотографии од татковци покрај хранилки, за жал.
Мајчинството е до толку на пиедестал што кај жената прави посебен еготрип, па се билда дека таа како мајка ги знае космичките тајни на нејзиното бебе и е baby whisperer, а таткото - ок е, не мора.
Оние моменти па дека мајката само што ќе го види бебето чувствува не знам што, а таткото не - исто така ме нервираат. Кај нас беше обратно - мм осети поголема конекција со бебињата на прв поглед отколку мене - мене ми требаше некое време.
Мене сето ова посебно ме нервира и ние дома се трудиме да живееме со поинакви принципи и вредности. Кај нас дома мм е тој што готви, немаме машки и женски обврски, за бебињата сме подеднакво одговорни и посветени, со тоа што митот за мајчинството и една е мајка се провлекува бидејќи мм е често отсутен од дома, на работа или службен пат, па јас фактографски знам и откривам повеќе работи за бебињата.
_____________________________
Обиди 2,5 години
HSG, HSC, отстранет септум, IUI x4, IVF успешно :)
2015 
|
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
Испечати
.jpg){kind=small}
