 |
RE: Градинките не чинат, или родителите сме з...
12.10.2016 14:49:03
|
|
|
|
Hopeful RR
|
Се согласувам со Blue_blue, и двете страни се безврска. Дека градинките не се идеални и има голем простор за подобрување е факт, но мене во моментот повеќе ме нервираат родителите и нивната преголема заштитничка тенденција.
Аман луѓе, ко само вашето да е дете и ко да треба којзнае каков пристап да се има... Никој не ги остава децата до крај на ден, сите ги земаат за 4-5 саати, ги адаптираат по 3-4 месеци и се туфкаат како тоа нивното дете заспива исклучиво во раце. Е па welcome to the real world, каде што има и други деца со реални потреби и каде што колку порано го навикнеш самото на себе и му вградиш самостојност, толку подобро за него.
Со оглед на условите и системот во кој живееме, стварно е сулудо да критикуваме дали имало бел или интегрален леб, дали давале јајце и млеко или пудинг... дома сите ги бутаат со леб и маргарин, а во градинка бараат авокадо и брусница. Или она - има алергии и не ни оди во градинка. Ај важи, нека седи дома несоцијализирано, пошто ти си преконтролирачка мајка и не ја гледаш целосната слика. Мене ми е битна исхраната, но други работи ми се исто така битни, а тие се учат само во градинка - учење да се биде дел од група, со врсници, социјална динамика и куп други моменти кои дома со баба и дедо, а ни со мене, нема шанси да се постигнат. Јас сум задоволна што одат и седат цел ден, што спијат и ручаат таму. Понекпгаш јадат ужинка, понекогаш не, ништо страшно. Доручек им давам јас дома, не за друго, туку затоа што работното време ми почнува подоцна и утрото ни е период кога имаме време да си играме, да се дружиме и да јадеме. Едниот има егзем и исто пазиме со исхрана, многу од намирниците не му се воведени, но немам намера да барам посебна исхрана во градинка за него, или да паничам ако каснал пудинг. Ок е, ќе преживееме.
Муабетот ми е, оптеретеноста со информации и неспособноста да се селектира вредна од невредна информација си има последици кај родителите, кои забегуваат и се нешто не им чини. Ќе повторам, има простор за подобрување во градинките, но мислам дека повеќе треба самите себе да се превоспитаме.
_____________________________
Обиди 2,5 години
HSG, HSC, отстранет септум, IUI x4, IVF успешно :)
2015 
|
|
|
|
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
Испечати
Кога решив да оставам дете во градинка немав којзнае какви очекувања, дека не знам како треба да биде гледано. Самиот факт што во група на една воспитувачка и една негователка има по 25+ деца ни кажува дека не можеме да очекуваме кралски третман. Во градинка е, не е дома. Не очекувам да трчаат со чинијата по неа, не очекувам да ја лулаат за да заспие или други бенефити што ги користи дома или кај баба и дедо. Очекувам од градинка да излезе детето спремно за на училиште, со стекнати одредени навики и основна потребна едукација. Е сега и во градинките како и секаде на друго место има луѓе и нелуѓе, ако можам така да ги наречам. За среќа ние со воспитувачките немаме проблеми ама сум се изнаслушала сешто, од тоа како ги делат и различно третираат оние со обична и брендирана гардероба, до тоа како ги оставаат да спијат со се патики на нозе. Не можам да кажам дека јас како родител сум заникаде ако барам барем на спиење детето да ми е облечено во пижами и без обувки на нозе. Од друга страна имаме и разни врсти на родители. На последното родителско една мајка се дрзна да праша зошто на децата им давале ајвар за доручек. Нејзините деца не јаделе ајвар на пример, зарем тој ден тие треба гладни да бидат? Боже мој, моево од доручекот што таму го даваат ништо не јаде и гладно е секој ден па што? Или ете ќерка ми кажува некои деца си носеле сок во шишенца од дома па сега и таа ми бара. Не пиело вода детето па ајде сокче од дома, греота. И сега јас треба да и објаснам дека тоа не е правилно и да бидам најсовесна мајка, а лоша мајка во очите на моето дете. 
....Недостигаше...
