Додека вашата јајце клетка се подготвува за на пат кон матката, обидете се да живеете што помирно. Одбегнувајте стрес, посветете внимание што повеќе на самите себе. Можете заедно со идниот татко да си дозволите романтичен одмор, па нека биде и викенд, можеби токму тогаш ќе создадете нов живот.

Ако во овој момент дојде до оплодување, може да се случи за две недели тестот за потврдување на бременоста да биде позитивен! Некои мајки при вгнездување на оплодената јајце клетка во слузокожата на матката приметуваат слабо вагинално крварење. Тоа е таканаречено крварење поради вгнездување, што претставува вообичаена појава, затоа не грижете се премногу.

Ако на крај од оваа недела направите тест за потврдување на бременоста , сигурно ќе покаже и втора црта, црта на животот. Честитаме на сите кои овој резултат го очекувале, односно силно го посакувале, а посебно честитки за оние кои цртата ги погоди како гром од ведро небо!

А да не дојде до забуни, две црти значи: БРАВО ТАТО! БРАВО МАМА!

Мачнината е една од најчестите знаци, а настанува поради хормонот HCG (Human chorionic gonadotropin) кој се појавува во бременоста. Овој хормон ја поттикнува штитната жлезда да лачи поголема количина на тироксин, кој е задолжен за регулирање на метаболизмот. Оваа недела е период на интензивен развој на органите и ткивата на ембрионот.

Бремени сте веќе цел месец. Нивото на труднички хормони расте. Освен мачнина, бременоста ја следат и други симптоми: набрекнати гради, темни брадавици, лош метаболизам, гасови, често мокрење...

Ембрионот оваа недела, од темето на главата до тртката, е долг од 4 до 6 мм. Тоа значи дека за една недела пораснал скоро 4 мм!

Веќе во првата недела можете да добиете или дури и да изгубите неколку килограми. И едното и другото е сосема нормално, секако под услов редовно и здраво да се храните. Сега не е време за диети, бидејќи на плодот му е потребна разновидна исхрана и редовни оброци, за правилен раст и развој!

Плодот од темето на главата до тртката е долг од 7 до 9 мм. Приближно како зрно ориз!

Што ве чека на првиот гинеколошки преглед?
- општ гинеколошки преглед,
- ултразвучен преглед,
- мерење на крвниот притисок,
- тежина,
- контрола на крвта.

Во оваа недела плодот веќе почнува да се размрдува. За жал, сеуште е премал за да ги почувствувате неговите движења.

Чести знаци на бременоста: замор, мачнина, несвестица, болни гради, лош метаболизам, а пред се опстипација. И безбоен исцедок од носот, односно чувство на затнат нос или дури и повремено крварење можат да бидат знаци на бременост.

И плодот доживува големи промени. Оваа недела почнува да се развива р’скавицата и јазикот, додека основната структура на очите е веќе развиена .

Дали сте приметиле дека небцата ви се потечени и додека ги миете забите ви крварат? Тоа е последица на хормоните и зголеменото количество крв во телото.

Долниот дел на стомакот веќе се заоблува. За стомакот во мала мера е виновна матката која расте, а повеќе се приметува поради надуеност во цревата. Носете комотна облека и размислете како ќе им соопштите на семејството и пријателите дека сте бремени.

Добивањето на тежина во првото тромесечје кај секоја трудница е различно. Некои брзо добиваат неколку килограми, а кај други тежината воопшто не се менува, додека оние кои се борат со мачнини можат дури и да изгубат некој килограм. Сите можности се сосема природни и безопасни, секако, под претпоставка дека редовно и здраво се храните. Немојте да ги прескокнувате оброците! Повеќе му штетите на плодот, отколку на самите себе, иако најкритичниот дел во развојот на плодот е завршен. Сега е на ред побрз развој на плодот од минатите недели. На почетокот на оваа недела должината на плодот е 3 см, а на крајот на неделата дури 5 см.

Сеуште можеби имате мачнини или чувствувате замор. Тоа би требало наскоро да престане, а некои трудници ќе ги чувствуваат уште некоја недела.

Со ултразвучниот тест кој се вика нухална бразда се утврдува ризикот од Даунов синдром, односно трисомија 21. хромозом во плодот. Тоа е најчеста хромозомска неправилност кај живородените деца. До промени кај повеќето доаѓа случајно, во моментот на созревање на половите клетки кај еден од родителите, најчесто мајката. Стручните лица на сите трудници им го препорачуваат овој преглед!

Како и сите други, и оваа недела плодот е прилично активен. Освен што весело плива во својот мал базен, до сега под небцата се развиени сите млечни заби кои на сонце ќе излезат по раѓањето, поточно во 6. месец или подоцна. Плодот е сега тежок околу 28 грама, а исто толку и плодовата вода. Долг е од 6 до 8 см.

Во овој период кај некои трудници се јавува таканаречената linea negra, темна вертикална линија која се протега од врвот на стомакот до срамната коска. Настанува како резултат на зголеменото дејство на естрогенот врз меланоцитите, клетки кои го произведуваат кожниот пигмент – меланин. Темната линија по породувањето се губи. Некои трудници приметуваат дека и жилите на градите стануваат се поизразени и брадавиците потемни. Сето тоа е дел од подготовката на градите за доење.

Дали сте знаеле дека во овој период од бременоста срцето пумпа дури за 20% повеќе крв отколку пред бременоста? А до крајот на бременоста таа количина уште се зголемува. На крајот на бременоста срцето ќе мора да пумпа дури 30- 50 % повеќе крв отколку пред бременоста. Ова е време кога гинеколозите со ултразвучен преглед можат да го определат полот на бебето. Сепак не земајте го тоа здраво за готово. Често се случува на еден преглед да кажат дека е девојче, а наредниот дека е машко, или обратно.

Дали можеби сте помислиле дека нежното скокоткање во стомакот е всушност првото движење на вашето бебе? Некои трудници, меѓу кои оние што не се прв пат трудни, можат веќе сега да ги почувствуваат движењата на плодот, а повеќето ги чувствуваат некаде меѓу 18. и 20. недела од бременоста. Какво неверојатно чувство!

Плодот во овој период неверојатно брзо расте, затоа можете да приметите и добивање во тежината. До сега трудницата во просек добиваше од 2 до 4,5 кг. Иако, како што веќе кажавме зборуваме за просек, секоја идна мамичка е приказна за себе. Ве потсетуваме дека мора да пиете доволно течности! Стручните лица препорачуваат 8 чаши течности, рамномерно распоредени.

Малиот човек веќе има 20,5 см, а тежи скоро 200 грама, весело мрда, се врти ваму- таму, го цица палецот, ика, трепка и уште многу работи! Сега веќе знае да прави и гримаси, што може да се види и на тродимензионалниот ултразвучен преглед. Немојте да заборавите да го потсетите гинекологот да ви даде и сликичка од прегледот.

Нежни влакненца го прекриваат целото тело на фетусот. Влакненцата ќе останат на плодот скоро до неговото раѓање, а кај некои новороденчиња и по породувањето можат да се приметат остатоци од влакненца, пред се на ушите и на лицето. Сега на кожата на плодот почнува да се јавува »верникс«, бела мрсна материја која ја штити кожата од влијанието на течноста во која плодот плива.

Честитаме, ја преживеавте првата половина од бременоста. Доаѓа период на брзо растење на матката, затоа стомакот видливо се напнува. Плодот ја притиска бешиката, па често мокрите. Некои трудници малку потешко дишат, бидејќи внатрешните органи, пред се желудникот, поради растењето на матката ги притискаат белите дробови. Оваа недела на ред е ултразвучен преглед кој се вика морфологија. Испитувањето е многу важно, бидејќи гинекологот детално го прегледува плодот и дава конечно мислење за развојот.

И еве не во втората половина на бременоста, а вие никако не можете да поверувате колку брзо поминаа првите 20 недели, зарем не? Брзото растење на плодот во овој период полека се смирува. Сега на ред е фаза на брзо добивање на тежина.

Веројатно вашата сексуална желба е на високо ниво. Опуштете се и уживајте во водењето љубов со својот партнер. За интензивните оргазми виновно е зголеменото количество на крв во телото. Ова е период на вистински спонтани и опуштени сексуални моменти.

Дали со партнерот разговаравте да биде присутен на породувањето? Ако партнерот не сака да учествува немојте да го терате на сила. За време на породувањето, за вас одлично ќе се погрижат докторите.

Но, вистина е дека емоциите при раѓањето се неописливи, затоа партнерот нека ви се придружи во породилната сала веднаш по породувањето. Породувањето е големо искуство, затоа е важно и за мајката и за таткото да остане во убав спомен. Искрен разговор за ова е навистина важна работа.

Движењата на плодот во стомакот се доста изразени и силни. Стомакот понекогаш се изобличува, а често приметувате дека се поместува на една или друга страна.

Поделете ги моментите на клоцање, боксерско удирање и поместување на газето со неговиот татко.

Во овој период внимавајте на знаците кои укажуваат на прерано породување. Не сакаме да ве плашиме, но добро е да внимавате на промените и во случај да се појави некој од знаците веднаш барајте помош од доктор.

Braxton-Hicks контракциите се сосема безопасни грчења на матката кои се појавуваат во нередовни интервали, а со нив матката се подготвува за породување. Од време на време ги чувствувате како краткотрајно стегање на мускулите на матката. Доколку контракциите почнат да се јавуваат во редовни интервали, итно морате на преглед.

Добредојдовте во последното тромесечје. Влегувате во период на брзо добивање на тежина. Во неа припаѓа тежината на матката, плодовата вода, зголемено количество на крв во телото и секако плодот, а понекогаш некој грам и вишок маснотии (ваши, не на плодот).

Не заборавајте на здрава и разновидна исхрана.

Во овој период дури кај половината трудници се открива намалено железо во крвта. Како последица на тоа се јавува слабокрвност која се манифестира со голем умор, безволност, бледоликост и забрзана работа на срцето. Кај повеќето слабокрвни трудници може да дојде и до несвестица. За можните потешкотии поразговарајте со гинекологот.

Женските гради имаат во просек околу 200 грама, а во бременоста секоја поединечно може да има дури 800 грама.

Според стручните лица плодот покрај чувствителноста на звук и светлина го развил и сетилото за вкус и мирис. Што може да намириса и вкуси, за жал не знаеме. Но, ви препорачуваме да избегнувате ненадејни звуци и заедно со своето детенце да слушате музика која ве смирува или ви дава енергија.

Лошо спиете? Тешко наоѓате пријатна положба? Помогнете си со ставање на перници под стомакот, позади грбот и меѓу нозете, а можеби подобро ќе спиете во полуседечка положба. Пред спиење обидете се што повеќе да се релаксирате, слушајте го своето тело, на некои добро им доаѓа туширање, додека други ги заспива читањето...

Телото на трудницата произведува хормон, релаксин кој ја опушта карлицата и со тоа се грижи за полесно доаѓање на детето на свет. Нејзиното опуштање можете да го почувствувате и како болка во карлицата.

Во овој период мислите на идната мајка се занимаваат со породувањето кое се ближи. Дали породувањето навистина е толку болно? Ќе можам ли јас тоа? Кога морам во породилиште? Како ќе ги препознаам контракциите? Како да ги мерам? Што да направам ако ми пукне водењакот? Како воопшто ќе знам дека ми пукнал водењакот?

Ако почнат многу да ви отекуваат нозете и лицето, а при тоа и повраќате и имате силни главоболки, веднаш одете на доктор. Можеби се работи за преекламсија кој во бременоста значи сериозна компликација. Симптомите се висок крвен притисок, отекување и протеини во мокрачата. Значи, доколку ги приметите набројаните симптоми, веднаш одете на доктор.

Вашите мисли се насочени кон породувањето и нега на новороденчето. Во школата за идни родители детално ќе ви објаснат како изгледа породувањето и неговите три фази, затоа на кратко ќе ги повториме.

За последните недели од бременоста карактеристични се: несоница, почесто мокрење, тешко подвижно тело, кое тешко пронаоѓа состојба во која пријатно се чувствува, а можеби и напнатост поради породувањето кое се ближи.

Просечна тежина на фетусот е 2,7 килограми. Бебето е веќе долго околу 45 см. Во овој период повеќето од плодовите малку се спуштаат, па на идната мајка и се олеснува дишењето, но тоа воедно значи дека почесто ќе оди во WC, бидејќи ќе ја притиска бешиката.

Почетокот на изненадувањето веќе не треба да ве изненади. Доенчето е веќе подготвено за живот во нова, поинаква средина. Само прашање е уште колку ќе седи скриено во матката.

Може да се појават лажни контракции кои можат да бидат многу силни. Една од разликите меѓу вистинските и лажните контракции е во нивниот интервал. Прочитајте и за другите разлики (ЛИНК)

10% од жените породувањето го опишуваат како многу болно, а исто толку го опишуваат како безболно искуство. Останатите 80% се некаде помеѓу во опишувањето на своето искуство.

И тие податоци покажуваат дека породувањето не е ништо страшно, како што го замислуваат некои мајки. Не заборавајте дека прагот на болката е различен од една до друга личност.

Фетусот е толку голем што во матката има многу малку место. Тоа значи дека веќе не може да се мрда како што можеше порано. И покрај тоа морате да изброите барем 10 движења на ден, обично меѓу 8 и 17 часот. Во спротивно обратете се кај својот доктор.

Опуштете се и мирно почекајте го денот Д кога ќе добиете нов член во семејството. Мислата за породувањето нека не ве загрижува. Искуството од породувањето навистина е болно, но посебно и за многу мајки (за жал) единствено.

Само 6% од децата се раѓаат во предвидениот термин. 98 % од трудниците се породуваат во периодот од две недели пред или по предвидениот термин за породување.

Половиот однос може да биде причина за почеток на породувањето... затоа, брзо под ќебе.

Околу 40 % од трудниците се породуваат по предвидениот термин за породување. Причини за тоа има многу. Една од најчестите е погрешно одредена должина на траење на бременоста.

ПОРОДУВАЊЕ.

ПРВО ПЛАЧЕЊЕ.

СЕМЕЈСТВО.

МАМА, НОВОРОДЕНЧЕ И ТАТО.

ВИ ЧЕСТИТАМЕ!