Има ли некој искуство со практикување јога вежби во тек на бременоста и до кој месец од бременоста е препорачливо истите да се практикуваат.

< Поракaта ја уредил Melanija RR -- 5.11.2014 12:11:10 >

Jas vo tekot na mojata bremenost vezbav joga od pocetok na 4-tiot mesec do 9-tiot ( vklucuvajci go i 9-tiot ), sto znaci do ped samiot cin na poroduvanje. Toe e voedno i periodot vo koj e dozvoleno joga vezbanjeto za bremeni zeni. Moeto iskustvo e mnogu pozitivno, jas bev mnogu zadovolna poradi toa sto i fizicki i mentalno se cuvstvuvav odlicno. ( na casovite praktikuvavme fizicki vezbi, vezbi za disenje, instrukcii odnosno soveti za prirodniot tek na poroduvanjeto, itn. ) Najtoplo i preporacuvam na sekoja bremena zena ( koja nema patoloska bremenost ) da posetuva vakov tip na fizicki i mentalni vezbi so koi ce postigne edna fizicka i mentalna harmonija vo podgotvenosta za najubaviot i najsvetiot cin od majcinstovoto a toa e poroduvanjeto.

Bravo sonja drago mi e sto ja podeli ovaa informacija so nas

Пред да останам бремена веќе имав предходно искуство во јога 7години и не прекинав да практикувам ни во првите 3месеци. Но за жените кои не биле претходно физички активни се препорачува после 12 недела да започнат со практичните часови по јога. Пред да се одлучите каде, како, што, прво истражете, информирајте се и дозволете да ве води интуицијата која мислам дека е непогрешлива во текот на бременоста. Ако имате можност да бирате, одберете инструктор со искуство во јогата но и обучен за работа со оваа популација, а ако е возможно и да има искуство со лично практикување на јогата во текот на бременоста.  Не само Јас и Соња, верувам дека секоја жена која поминала низ специјализираните курсеви за бремени дека има позитивни искуства низ бременоста а и во моментот на породувањето, па и понатаму во текот на мајчинството. Сето ова доаѓа од таму што јогата не враќа кон себе си, не потсетува на нашата вистинска природа и како индивидуа и како жена и мајка, ни дава сознание кој сме, што сме, колкави ни се силите и можностите и ги поместува овие граници посебно во чинот на породувањето кога сме најсилни и ја освестуваме својата моќ. Верувам ќе се согласите дека нема ништо поубаво од тоа да видите една насмеана и задоволна трудница, среќна и горда на својата состојба, која не се жали на болки во телото и било која тешкотија ќе ја помине полесно и со разбирање за да и остане повеќе време да ужива во секој момент од тие маѓични девет месеци.

_____________________________

сакам да го променам светот, затоа почнав да се менувам себеси

имаме оригинално двд за вежбање јога дома, специјално наменето за трудници. дел е од една поголема колекција која ја имаме скоро цела. инструкциите се на англиски. ова во случај некого да го интересира.

_____________________________

Sometimes it is the people who no one imagines anything of, who do the things that no one can imagine.

јас сум заинтересирана за јога вежби,имам претходно  вежбано и сега сакам да продолжам ама во домашни услови.како можам да набавам ЦД за вежби за трудници?

Не би му препорачала никому да вежба јога по книга или цд, а особено не на една трудница. Жената кога се наоѓа во периодот на бременоста е многу чувствителна и мора да внимава што прави и да ја понесе одговорноста и за себе и за бебето. Ако не можете да одвоите време да посетувате часови за јога немојте сами тоа да го правите, зашто ни книгата ни цедето нема да ве корегираат во грешките кои се неминовни, а кои можат многу да ви наштетат и уште на крајот ќе кажете дека и јога ви е крива за последиците а не вашата извинете на изразов -глупост- дека тоа сте можеле сами без стручно водство. Потребно ви е само 2-3часа неделно да одвоите за доаѓањето на курсевите за јога за бремени каде имате инструктор обучен за оваа област, а она што ќе го научите таму пожелно е да го практикувате и дома. Книгата или цедето можат да послужат како прирачник за некој кој веќе посетувал часови под нечие водство.

Јогата е древно знаење за човекот, за животот. Не` учи како да ги спознаеме и хармонизираме процесите во телото, мислите, емоциите и душевната состојба. И бидејќи во текот на бременоста настанува „револуција" од промени во телото, психата и душата, јогата преку својот систем на техники и приод во себенабљудувањето, може да и` помогне на жената да ги разбере тие промени и да ја искористи нивната енегрија позитивно; бременоста и породувањето да станат период на лично созревање, радост и живеење, славење на љубовта. 

 КОГА ДА СЕ ПОЧНЕ СО ЈОГИСКИТЕ ВЕЖБИ?

По третиот месец на бременоста може да се почне со пракикувањето на јогиската програма за бремени жени. Препорачуваме да не се чека последниот месец за да има време жената да научи како да се релаксира, како да го контролира и продлабочи дишењето и како да се канализира енергијата за да може тоа искуство да го примени во текот на породувањето.   На часовите се практикуваат:

· ТЕЛЕСНИ ВЕЖБИ (АСАНИ), прилагодени за периодот на бременоста. Се постигнува поголема еластичност и цврстина на мускулатурата, се зголемува подвижноста на карлицата и се отстрануваат или ублажуваат болките во грбот и половината. Вежбите не се напорни, не ве исцрпуваат, напротив освежуваат и го враќаат доброто расположение.
· ДЛАБОКО И РИТМИЧНО ДИШЕЊЕ што обезбедува повеќе кислород за клетките и добар метаболизам, релаксираат и ја урамнотежуваат енергијата. · Максимата дека во текот на бременоста треба да јадете за двајца не важи, но е точно дека треба да дишете за двајца.
· РЕЛАКСАЦИЈА - за ослободување на акомулираната напнатост. Техниките на дишење и на релаксација се од голема корист за свесно отпуштање помеѓу контракциите во текот на породувањето и обновување на енергијата.
· Техниките на КОНЦЕНТРАЦИЈА, ВИЗУЕЛИЗАЦИЈА и МЕДИТАЦИЈА ги хармонизираат мислите и емоциите и носат духовно спокојство.       И помогнуваат на жената да се справи со наметнатиот страв од породување. Ние прифаќаме дека раѓањето е „страшно", а не „природно". А стравот блокира и нерационално ја троши енергијата.       Истражувањата покажуваат дека бебето во утробата е под влијание на севкупниот начин на живеење на мајката.       Внатрешниот мир и мајчината љубов е од голема важност за хармоничен психоментален развој на новороденчето.    

ШТО СЕ ПОСТИГНУВА?
Со практикувањето на јогиските тхеники жената учи да се релаксира, да го контролира дишењето, да ги негува позитивните мисли и на тој начин ја штеди својата енергија. Тоа и` помогнува на жената да биде присутна и свесна за себе во текот на породувањето и соработката со бабицата или лекарот да биде подобра што го олеснува породувањето.      

СО ПРАКТИКУВАЊЕТО НА ЈОГИСКИТЕ ТЕХНИКИ ЖЕНАТА СИ ПОМОГНУВА И ПО ПОРОДУВАЊЕТО:

· Телото брзо да се врати во претходната состојба, за што помогнува ако телото било активно и пред бременоста и на соодветен начин и во текот на бременоста. Се практикува и пост-натална јогиска програма за зајакнување на стомачните мускули и ослободување на заморот. · Полесно да се соочи со емотивните промени карактеристични за овој период, како и со пост-породилната депресија кога се јавува. · Да ја одржи внатрешната смиреност и хармонија, што се пренесува и на бебето.