Дали имате проблем да го заспиете вашето дете и се буди во текот на ноќта? Прочитајте некои од најчестите погрешни чекори во воспоставувањето квалитетна рутина за спиење и научете како да ги избегнете

 

 

1. Прескокнување на рутината за спиење 

На повеќето луѓе им треба одредено време пред да заспијат и додека не се прилагодат, а бебињата не се ништо поразлични. Рутина за спиење не само што му помага на вашето бебе да се опушти пред да се смести во неговото креветче, туку може да стане прекрасен начин за поврзување со вашето бебе.
„Рутината за спиење е едноставна стратегија што навистина прави разлика во тоа колку брзо бебето ќе заспие и колку ќе му треба вашата помош“, вели Меган Фор, автор на „Тајната на бебето“. „Иако може да изгледа како долготраен или ригорозен процес, тоа заштедува енергија и време и за вас и за вашето бебе на долг рок“. Еден час пред да заспиете вашето бебе (околу 19 часот е препорачливо време за бебиња), започнете со својата рутина. Топла бања може да помогне во опуштање на бебето, и кога ќе заврши, однесете го бебето во собата и започнете да ја читате приказната, играјте смирувачка музика или и двете. После тоа, нахранете го бебето, ставете го во креветчето. По некое време, тоа ќе заспие само. 

2. Игнорирање на знаците дека е време за спиење

„Бебињата и малите деца испраќаат сигнали дека се уморни и дека треба да спијат“, вели Ким Вест, автор на книгата „Добра ноќ, мирно спиј ". Некои од овие знаци вклучуваат триење очи, зевање, забавена активност, нервоза, губење интерес за луѓе и игра. „Ако ги промашите оние знаци што се појавуваат во природно време да го заспиете детето, неговото тело нема да испушти мелатонин кој смирува“, вели Ким Вест. Наместо тоа, неговите надбубрежни жлезди ќе "испратат" хормони поврзани со стресот што ќе го направат бебето нервозно. 
Внимавајте на знаците во текот на денот кај вашето дете и големи се шансите да го создадете моделот  приближно исто време секоја вечер кога треба да оди во кревет. Ако не можете да ги видите тие сигнали, Ким Вест ви предлага да одите во тивка, слабо осветлена просторија и да започнете да се подготвувате за спиење кога самите ќе помислите дека се ближи времето за спиење - и веројатно тогаш ќе ги забележите истите тие знаци.

3. Едноставните навики станаа лоши рутини

Разбирливо е дека кога е 3 часот наутро, а вие сте целосно исцрпени,  ќе направите се што е во ваша моќ бебето повторно да заспие. Ова обично вклучува нишање, гушкање, одење, пеење, масажа и така натаму. Според Ким Вест, кога бебето има 3 или 4 месеци, овие едноставни навики стануваат лоши рутини. „Ваквите навики стануваат проблем кога се толку тесно поврзани во главата на детето за да спие, што тоа не може да заспие без нив. Клучот е да го ставите бебето во кревет поспано, но будно, така што тоа ќе научи само да се смири и да спие секој пат кога ќе се разбуди." 

4.  Прерано одвикнување од креветче и навикнување на кревет

„Ова е класична грешка што ја прават родителите“, вели Меган Фор. „Не го преместувајте бебето на големиот кревет додека не може само да излезе од креветчето“. Кога детето може да излезе само од креветчето, тогаш тоа претставува опасност за него и мора да се пресели во поголем кревет. Но, ова обично не се случува пред детето да има најмалку 2 години.

5. Го успивате бебето каде и да се наоѓате 

Никој не сака да биде роб на распоредот за спиење на своето дете, но вистина е дека дремењето на бебето  во количка, седиште во автомобил или столче не му го дава на  потребниот сон затоа што бебето не запаѓа во мирен сон. За да се развијат добри навики за спиење, бебето треба да има познато место за спиење, простор каде што оди и на дремка и на спиење секој ден. Се разбира, ова правило не важи кога станува збор за важни настани или обврски што ве спречуваат да го сторите тоа, но повеќето од времето треба да останете доследни. Обидете се да ги исполните сите обврски што ги имате помеѓу дремењето на бебето.

6. Недоследност околу распоредот на спиењето

Конзистентноста е клучна за децата, особено кога станува збор за спиење. „Потребно е редовно време на дремење и разумна количина на сон за регулирање на дневните и ноќните циклуси на хормони - а на детските срца и умови им треба предвидливост за да се чувствуваат безбедно“. Д-р Мелцер се согласува: „Распоредот на спиењето е многу важен за поставување на нашите внатрешни часовници, а постојан распоред на спиење ќе му помогне на детето да заспие и да заспие во исто време секој ден, и ако распоредот постојано се менува, тоа е како да лета од еден временска зона до друга секоја вечер, а телото не знае кога да заспие. Борбите околу спиење често се јавуваат поради неконзистентен распоред, бидејќи родителите се обидуваат да ги успијат своите деца прерано или предоцна “. 
Се разбира, има простор за одредена флексибилност. Неколку дена вашето дете ќе дреме повеќе, а други ќе дремат помалку. „Кога ќе научите да ги препознавате знаците за спиење на вашето бебе, полесно ќе го прилагодите распоредот“, вели Ким Вест. Ако вашето дете е задоволно и поспано, веројатно имате добар распоред на спиење. Но, ако е напорно и нервозно, можеби ќе ви треба подолга дремка, порано време за спиење, подоцна будење или сите горенаведени.

7.  Го оставате детето да остане будно доцна, надевајќи се дека така ќе заспие полесно 

Звучи како добра идеја - на крајот на краиштата, кога тинејџерите легнуваат доцна, тие сакаат да спијат до следниот ден напладне. За жал, ова едноставно не работи за најмладите. „Нивниот внатрешен часовник ги буди наутро секогаш во исто време, без разлика кога ќе легнат“, вели д-р Мелцер. Со тоа, родителите кои им дозволуваат на своите малечки да останат будни долго време, всушност, следниот ден секогаш добиваат исцрпено, нервозно и уморно дете. Наместо тоа, чувајте одредено време на спиење за да бидете сигурни дека вашето дете спие од 10 до 11 часа што му треба секоја вечер. Ако детето се разбуди премногу рано наутро (пред 6 часот наутро), тоа значи дека легнало премногу доцна во вечерните часови, па обидете се да го заспиете 30 минути или еден час порано.

8. Донесување одлуки за спиење среде ноќ 

Вистината е дека е тешко да се донесат мудри одлуки во 2 часот наутро. А будењето среде ноќ обично е време кога родителите прават најголеми грешки. Според Ким Вест, една од најголемите е реактивно спиење. „Тоа е кога семејството спие заедно во ист кревет затоа што тоа е единствениот начин да го заспие бебето, а не затоа што  одлучиле да спијат заедно како семејство. Ова е исто така време кога навиките стануваат лоши рутини. „Родителите ненамерно создаваат повеќе плачење со откажување и прибегнување кон лоши навики за да го решат проблемот“, вели Ким Вест. На пример: „Го оставив да плаче некое време, а потоа го зедов во моите раце и го нишав сè додека не заспие, бидејќи не можев повеќе да издржам да плаче“. Ова го учи бебето дека ако плаче, на крајот ќе го добие она што го сака и ќе мора да го сторите тоа повторно кога ќе се разбуди во текот на ноќта.
Но, кога ќе стигнете до точка кога ќе се чувствувате како да не донесувате добри одлуки за спиење за вашето дете, замолете го вашиот партнер да ви помогне . Тимската работа среде ноќ им овозможува на двајцата родители да спијат подобро. 

9. Родителите не се на иста страна

„Родителите треба да бидат единствени во родителството, особено кога станува збор за подобрување на спиењето на детето“, вели Ким Вест. "Треба да се согласите за тактиката што ќе ја користите за да му помогнете на вашето дете да научи да се смири самостојно и да добие квалитетен сон. Во ред е рутините да бидат малку поинакви, но големите одлуки треба да се договорат однапред".
Овие одлуки вклучуваат време кога бебето треба да спие и дали ќе се потпрете на некои стапици и навики за да го заспиете бебето. Ова значи дека едниот родител не може да одлучи дека лулањето на бебето сè додека не заспие е добра одлука ако другиот родител не сака да го стори тоа кога е време за спиење или среде ноќ. Седнете заедно и договорете се што е најдобро за семејството. Ако едниот од вас станува повеќе од другиот, тогаш родителот кој е повеќе вклучен во заспивање на детето има предност во донесувањето одлука. Запомнете: да бидете постојани секоја вечер е од суштинско значење за успешен и квалитетен процес на спиење. 

10. Прерано откажување 

Никогаш не е доцна за промена на лошите навики на спиење, но родителите треба да вежбаат трпеливост. „Да се ??очекуваат брзи резултати кога се обидувате да ја промените навиката што сте ја создале во последните неколку месеци или години, честопати не е реално“, тврди Ким Вест. „Родителите треба да посветат две до три недели на обука за спиење за да видат значителни промени. Некои родители паѓаат во стапицата верувајќи дека навиките за спиење на детето ќе се променат сами од себе и дека во меѓувреме треба да издржат непроспиени ноќи. Со време и напор од ваша страна, бебето и целото семејство наскоро ќе спијат мирно во текот на ноќта. Како и со која било деловна активност, и оваа вреди да се вложи трудот што ќе се исплати на крајот