Оваа година со голема чест и задоволство здружението ја прими Награда „13 Ноември“, која се доделува на физички и правни лица како знак на признание на Градот Скопје

Здружението за поддршка и третман на лица со аутистичен спектар и атипичен развој ВО МОЈОТ СВЕТ е непрофитабилна и хуманитарна асоцијација која има богато портфолио на проектни активности од општествено корисен и хуманитарен карактер. Како движечки и мотивирачки фактор во своето работење здружението ја има својата однапред утврдена мисија, а тоа е помош и поддршка на лицата со аутистичен спектар и атипичен развој и нивните семејства.

 

- Особено, отварање центри за рана интервенција и третман за деца со аутистичен спектар и атипичен развој со цел стимулација на сензомоторниот, когнитивниот, емоционалниот и социјалниот развој кај децата, овозможувајќи поуспешно и посамостојно вклучување во секојдневните активности;

- обезбедување помош и поддршка на младите и возрасни лица со пречки и нивните семејства преку подигнување на јваната свет, отварање на социјални клубови, како и обезбедување на услови за работно оспособување на истите,

-  вршење дејности од социјалната заштита во насока на обезбедување на социјални пакети  за бесплатен годишен третман на деца со аутисичен спектар и атипичен развој, чии семејства се од социјално ранливи категории.

 

Активностите на Здружението се насочени пред се, во обезбедување на Центри за рани интервенции и третман на деца со нарушување од аутистичен спектар и атипичен развој, како во Скопје, Охрид, така и во останатите градови низ Земјата и Дневни Центри за престој на возрасни лица.

 

Во текот на годините здружението има добиено повеќе награди и признанија за својата работа, меѓу кои Благодарница „Св. Мајка Тереза“ за хумани дела во спомен на Гонџа Бојаџиу, Послание „Св. Мајка Тереза“ за хумани вредности подарени за човечката среќа и Награда од  „Фондацијата професор д-р Љупчо Ајдински“ за заштитата, образованието, рехабилитацијата и општественото афирмирање на лицата со аутизам.

Оваа година со голема чест и задоволство здружението ја прими Награда „13 Ноември“, која се доделува на физички и правни лица како знак на признание на Градот Скопје, за остварување во стопанството, науката, публицистиката, уметноста, културата, воспитанието и образованието, здравствената заштита, социјалната заштита,спортот и физичката култура, техничката култура, заштитата и унапредувањето на животната средина и природата, како и во другите сегменти на животот, трудот и творештвото, што претставува придонес за развојот на градот и за неговиот севкупен напредок и афирмација во РС Македонија и во светот. Голема благодарност за укажаната доверба, која понатаму ќе ни биде водилка и двигател за остварување нови цели и проширување на хуманитарната дејност.