Секоја сезона има некои предности, но летото е несомнено една скала погоре, ако зборуваме за поволно време за бременост и породување. Погледнете 5 предности на летната бременост

Удобна облека

Ако во зимските месеци идните мајки се прашуваат како да го покријат стомакот, тогаш во лето овој проблем целосно се намалува. Високите температури ви овозможуваат да одите со минимална количина на облека. Вашата облека лесно може да се состои од фустан (долг или краток, зависи од вашиот личен вкус) или туника со 3/4 должина.

 

Многу бремени жени, исто така, се жалат на отечени нозе - непријатност што во студеното време создава многу потешкотии при облекување на чизми. И во лето е доволно да се шетате со влечки или удобни патики, кои нема потреба да ги врзувате.

 

Можност за долги прошетки

Повеќето луѓе го поврзуваат летото со топлина, но вистината е дека наутро до 10 часот и навечер по 18-19ч. времето е идеално за прошетка во воздух. Ако во зима, бремените жени се повеќе ограничени, бидејќи снегот и дождот не дозволуваат пешачење, во потоплите месеци нема место за изговори.

 

Корисна храна

Летото е сезона на свежите овошја и зеленчуци, а разновидноста им е голема. Повеќе свежи производи значи побогато мени, повеќе витамини и минерали за организмот и подобар имунитет – нешто за што телото на идната мајка има потреба. Во многу од овошјето и зеленчукот, кои ги консумираме во текот на летото, се содржат корисни материи и за бебето, кои помагаат во неговиот развој.

 

Повеќе сонце

Кога е лето, тогаш нема да пропуштите сонце, а колку повеќе сте изложени на сонце, толку повеќе организмот собира витамин D. Во зима многу бремени се жалат дека страдаат од недостиг на витамин D и морале да го прифатат како додаток на менито, бидејќи ниските нивоа можат да придонесат за развојот на гестациски дијабетес или бактериска вагиноза. Во текот на потоплите месеци можете да го добиете директно од сонцето.

 

Вежби во водата

Иако на бремените им се препорачува да внимаваат со базените, сепак летото е идеално време за релаксација или движење во водата. Пливање за бремени жени и водни аеробик вежби се спортски активности што им се препорачува на идните мајки. А релаксирачките процедури го подготвуваат телото за раѓање и ги олеснуваат болестите на кои се жалат многу бремени жени. Сепак, треба да внимавате водата да не е многу хлорирана или премногу топла, да не посетувате преполни базени, плажи и аквапаркови и да внимавате на интимната хигиена по плажа, за да не се заразите со габи.