Децата се вратија во училниците и многу родители имаат прашања за задолжителното носење маска за заштита од Covid-19. Дали маските се безбедни? Како маските му помагаат на моето дете? Дали моето дете навистина е изложено на ризик да добие Covid-19?

Специјалисти од Mayo Clinic одговараат на неколку прашања:

Дали има негативни ефекти кога детето носи маска?

Поради загриженоста што се крена за тоа дали има негативни ефекти носењето маска врз децата, сега се направени бројни студии. Овие студии недвосмислено покажаа дека нема негативни здравствени ефекти врз децата од носење маска.

Кои се придобивките детето да носи маска?

Знаеме дека маските значително ја штитат и личноста што ги носи и луѓето околу нив. Другата придобивка од маските е тоа што можат да помогнат во заштитата од други вируси. Гледаме на пораст на други респираторни вируси за кои обично не гледаме дека циркулираат во овој период од годината, поточно два вируса, респираторен вирус или РСВ и параинфлуенца вирус, кој е вирус што предизвикува грип. Исто така, ќе влеземе во сезона на грип оваа есен. Маските се ефикасни и во спречувањето на ширењето на овие вируси.
Носењето маска ќе помогне да се намали бројот на симптоматски респираторни заболувања што ги имаат децата. Се надеваме, ова ќе помогне да се задржат повеќе деца на училиште и да се избегне карантин доколку има позитивни случаи, и да се намали бројот на денови што треба да ги однесат родителите за да го тестираат детето, доколку се разболат - затоа што овие други респираторни вируси циркулираат и сега.

На која возраст децата треба да почнат да носат маска?

Носењето маска се препорачува за секого над 2 години. Другиот важен дел, особено кај педијатриската возрасна група, е лицето што ја носи маската да може само да ја извади доколку има потреба. Ако вашето дете има невро -развојна попреченост, на пример, или проблеми со моториката, каде што нема да може да ја отстрани маската ако е потребно, не препорачуваме да носи маска.

Каков вид маска треба да носат децата?

 Маска од повеќеслојна ткаенина или медицинска мака прилагодена за детска возраст се добри опции. Најважно кога станува збор за децата е да бидете сигурни дека ги носат и да бидете сигурни дека ги носат правилно. Тоа значи дека треба целосно да им го покрие носот и устата. Треба да им биде удобно да ги носат, и треба да се вклопи безбедно на нивното лице без големи непокриени области или празнини.
Важно е, особено затоа што децата веројатно пораснале во последните 18 месеци, да бидете сигурни дека ќе ја зголемите нивната големина на маската додека растат. И пред да се вратите на училиште, обидете се да бидете сигурни дека сите тие се вклопуваат правилно. Осигурајте се дека детето нема да ја замени маската со друго дете и бидете сигурни дека се чуваат чисти и во добра состојба. Треба да се користи нова чиста маска секој ден, и вашето дете секогаш треба да има резервна маска која е лесно достапна на училиште, во случај маската што ја носи да се навлажни, да се извалка или да се оштети.