Еден татко од Твитер објави листа на сите работи што ги научил во текот на 160 -те дена родителство. Татковци, дали се согласувате?

Новите татковци обично се збунети од силните промени што одеднаш се случуваат кога бебето ќе пристигне дома.
Еден духовит татко одлучи да напише листа од 10 работи што ги научи во првите 160 дена од родителството, а сподели и неколку смешни совети за сите нови родители. Тој ја објави листата на својот профил на Твитер.

1. Грижата за детето главно се врти околу "каките"

Која боја se? Кога последен пат какaло? Дали се мачеше додека какаше? Дали имаме доволно пелени за следните десет големи потреби? Морам да го сликам овој измет за да му покажам на докторот. Отсега, вашата галерија ќе биде полна со фотографии - измет!

2. За жал, има облека што ќе ја носи само еднаш пред да порасне.

Без врска! Совет: не купувајте скапа облека!

3. Колку и да сте фрустрирани со вашето бебе, тоа ќе ве разоружа за миг - со насмевка. Мали манипулатори!

4. Резервната облека за бебето е многу неопходна, но резервната облека за родителите е уште поважна. 'Ќе те поврати и ќе се смее.

5. Мора да имате база на податоци за аптеки кои работат 24 часа на ден. Проверете ги аптеките во болниците. Или се затвораат доцна или се отворени 24 часа. По некое време ќе ве знаат по име.

6. Потребно е многу да се прочита за родителството.

Чувајте книги или онлајн ресурси достапни за вас во секое време.

7. Составете плејлиста (за кризни ситуации)!

Составив плејлиста што ја користам за да ја смирам кога е лута или изнервирана. Ја тестирав и на бебињата на моите пријатели.

8. Можеби мислите дека сте добра личност, но всушност сте садистичко суштество кое ќе најде радост кога вашето бебе ќе ги отфрли другите луѓе и ќе ве сака само вас.

9. Овие мали суштества секогаш се обидуваат да умрат, а работата на родителите е да ги спречат.

Бебињата ќе сакаат да се тркалаат од креветот, ќе сакаат да го џвакаат горниот дел од полначот за лаптоп, ќе ја проголтаат монетата што штотуку ви паднала од џебот. Ваша задача е да ги спречите сите овие опасни ситуации 24 часа на ден.

10. Откако ќе дојде бебето, вашата рутина целосно се менува. Ако ви е достапна помош, прифатете ја.

Ако можете да си дозволите дадилка, земете ја. Ако сте вработени, додадете еден или два дена во вообичаените рокови. Ако имате клиенти кои имаат разбирање за вашата ситуација, како мојата, можете дури и да го донесете малечкото на неколку состаноци.

На крајот, тато ги почести читателите со бонус лекција. Кога ќе добиете бебе, ниту еден мобилен нема доволно меморија за сите фотографии што ги правите. Тој ве советува да земете специјална мемориска картичка само за фотографии или, во краен случај, да купите уште еден мобилен.