За сите заеднички виртуелни и реални кафиња, за сите среќни и тажни мигови споделени со Рингераја, за сета ваша креативност несебично дадена, за слогата и мирот во ова големо семејство ВИ БЛАГОДАРИМЕ! Изберете ги најдобрите меѓу вас за 2014 година

Вие ја наградувате Рингераја.мк секој ден со вашето присуство.

Секоја испишана буква на нејзините страници е изјава на љубов кон неа, топол утрински бакнеж и нежна прегратка, заради која Рингераја.мк се труди да опстане и истрае.

Рингераја.мк не може никогаш доволно да ви возврати за вашата љубов и посветеност.

Може само да ви вети дека ќе постои, дека ќе биде тука за вас во темните ноќи и мрачните утра, за да ја слушне вашата болка и тага, во светлите денови полни со смеа, за да се радува со вас, во сите моменти важни во вашите животи.

Ве има од сите страни на светот, од сите професии, со различни интереси, обичаи, религии и определби.

Но тука ве сплотува едно: желбата да се има дете, љубовта кон семејството, мајчинската грижа и љубовта кон детето.

Тука сите сме од иста религија, говориме на ист јазик, имаме исти интереси.

Тука сите сакаме да бидеме, или сме МАЈКИ!

Токму од вас потекна иницијативата за избор на најдобрите меѓу вас.

 

Рингераја.мк е тука да го овозможи тоа.

Се започна со ОВАА ТЕМА

И продолжува ТУКА

 

ИЗБЕРЕТЕ ГИ НАЈДОБРИТЕ ФОРУМЏИИ ЗА 2014 ГОДИНА

Рингераја.мк веќе знае кои се тие - СИТЕ ВИЕ!