Никогаш не би помислиле дека распоредот на летвите е важен, а каков душек е најдобар?Погледнете што треба да барате кога купувате креветче за бебе

Во првите неколку месеци, бебето ќе спие речиси 20 часа. Од таа причина, многу е важно да купите креветче кое ќе биде удобно, но и безбедно за вашето дете.

На пазарот има многу различни модели, со различни цени, па многу родители се целосно збунети околу тоа што е најдобро за нивното дете. Затоа истакнуваме неколку практични совети за купување креветче:

Не мора да го купувате најскапото креветче. Безбедноста е многу поважна од тоа како е дизајнирана.

Ако можете, купете ново креветче. Ако земете креветче од некого, проверете дали се е како што треба, дали е сеуште функционално.

Погледнете колку се одвоени летвите една од друга. Не треба да бидат премногу тесни, за да се заглави бебето со раката, но не премногу широки, за да може да ја провлече главата.

Кога купувате, проверете ги сите рабови и дали тие потенцијално можат да повредат дете.

Проверете дали има завртки или делови што може да го повредат детето или да предизвикаат нестабилност на креветчето.

Изберете тврд душек и погрижете се совршено да одговара на големината на креветчето. Важно е да не можете да го ставите прстот помеѓу душекот и креветчето.

Исто така, добро е да земете креветче кое може да се прилагоди на бебето подоцна кога ќе порасне.