Orbit караванот ја започна обиколката низ училиштата ширум земјата, преку која на забавен начин децата ќе научат како да се грижат за своите заби и ќе се подигне свесноста за оралната хигиена, како кај децата така и кај нивните родители

 

На 25ти Септемвриза прв пат во Македонија, започна караванот“Orbit подарува насмевка”. Станува збор за проект од глобален карактер организиран од компанијата Марс Оверсис Холдингс Претставништво Скопје, кој има за цел едукација на децата од училишна возраст за потребата од правилно и секојдневно одржување на оралната хигиена, како и превенција од појава на кариес на најмала возраст. Со тоа ќе се изградат здрави детски навики и ќе се подобри општата состојба на оралното здравје во земјата.

 

Orbit караванот ќе ги посетува училиштата ширум земјата во текот на 25 работни денови.  Во секое училиште ќе се одржи едукативна презентација од страна на стоматолог, помогната со современи нагледни средства и голема маскота преку кои децата на забавен начин ќе учат зошто и како треба да се грижат за своите запчиња. Главен фокус на караванот се децата од четврто одделение, како најранлива и критичнавозраст во проблемот со кариес, а покрај основните училишта, караванот ќе посети и установи за деца со посебни потреби.

 

Со ова се обележува втората фаза од оваа нова Orbit авантура, на која и претходеше успешна прва фаза во периодот мај – јуни оваа година, кога сите граѓани со купување на своите омилени Orbit гуми за џвакање дадоа свој придонес во поголема покриеност на проектот, односно посета на караванот на поголем број на училишта и едукација на поголем број на деца.

 

Проектот е поддржан од Национална стратегија за превенција на орални заболувања кај деца од 0-14 години во Македонија.

 

Убаво е кога децата се смеат, а уште поубаво е кога насмевката има здрави заби!

 

Заедно, за здрава детска насмевка.