За разлика од останатите витамини кои во организмот се внесуваат исклучиво преку храна, или додатоци на исхрана, витаминот Д може да се синтетизира во организмот, поточно во кожата, од еден облик на холестерол и тоа под влијание на сончевите зраци

Иако физиолошката улога на витаминот Д е поврзана со одржување на мускулатурата и коските, биолошките својства на овој витамин се однесуваат и на имуниот, ендокриниот, кардиоваскуларниот и невролошкиот систем.

 

Основно и најдобро испитано подрачје на примената на витамин Д е потпорна терапија за остеопороза

Стручњаците кои се занимаваат со оваа тематика, најчесто препишуваат дневен внес од 800-1200 мг. калциум од храна и додатоци на прехрана, како и 800-1200 ij витамин Д за жени во постменопауза со остеопороза.

Многу епидемиолошки истражувања покажале корелација меѓу недостаток на витамин Д и зголемен број на заболени од дијабетес тип 1. Неговиот недостаток е поврзан и со зголемен број на заболени од дијабетес тип 2.

Треба да се има во предвид дека описот на индикации и подрачјето на примена  на сончевиот витамин се многу поопсежни од она што порано се мислеше, а новите истражувања и откритија се појавуваат скоро секој ден. Ова е само еден скромен увид во потенцијалот на најстариот витамин на планетата Земја, чии моќи допрва ќе ги запознаваме.