Studimet e fundit rekomandojne ndalimin e televizionit per femijet nen 2 vjec, por shumica e prinderve tolerojne shikin e programeve ne orare te caktuara

 

Kur fëmija juaj shikon televizor, përpiquni të reduktoni seancat jo më shumë se 15 minuta.  Shmangni prirjen për të përdorur kanalet televizive si një kujdestare elektronike dhe në vend të kësaj uluni dhe shikoni së bashku me fëmijën tuaj, duke bërë pyetje, zgjerimin e ideve të paraqitura në emision ose shfaqje; përpiquni të zbuloni cështjet ku fëmija juaj përqëndrohet më shumë.

 

Si ta gjallëroni imagjinatën e fëmijës suaj
Vendos limite. Krijimi dhe përforcimi i rregullave- fleksibiliteti janë thelbësore për lumturinë e fëmijës suaj por edhe tuajën. Por nëse mundeni lejojeni fëmijën të jetojë me ëndërrimet e tij. Fakti që tavolina e ngrënies nuk është e vlefshme për të ngrënë pasi për momentin është shndërruar në  një banesë eskimeze (p.sh) është arsyeja më e mirë për të organizuar një piknik në dyshemenë e dhomës së ndenjes.

Pranojeni faktin që fëmija juaj ka një shoku imagjinar. Ekspertët mendojnë se të pasurit e një shoku imagjinar është tregues i një fëmije të zhvilluar në aspektin social dhe krijues që ka gjetur një mënyrë për të manaxhuar frikërat dhe shqetësimet e tij. Disa studime sugjerojnë se gati gjysma e fëmijëve kanë diku një shok imagjinar.

Megjithatë nëse fëmija juaj fillon të kritikojë shokun e tij për dicka që ai vetë e ka bërë diçka duhet vlerësuar. Ju nuk keni pse ta akuzoni atë për gënjeshtrar por mos e komplimento për veprimin. Lëre fëmijën tuaj vetëm me shokun e tij imagjinar dhe korrigjoje situatën (vër rregull, kërko falje, etj) dhe bëja të qartë fëmijës që veprimi ishte i papranueshëm.

Kënaqu me të pazakontën. Kur fëmija juaj ngul këmbë për të veshur psh, një veshje astronauti shumë herë më të madhe se fëmija për të ikur në çerdhe për të tretën ditë rradhazi, ju jeni në mëdyshje. Të rriturit janë shoqërizuar në mënyrë të tillë që të vendosin rregulla të përcaktuara mes “publikes” dhe “privatësisë”- pantallonat tuaja të çuditshme ngjyrë gri dhe pandoflat tuaja me lepurush janë një zgjedhje e këndshme për t’u përdorur nëpër shtëpi, por jo në restorant. Por, fëmijët nuk mendojnë si ju…

 

Проектот Детско Катче на албански јазик е реализиран со финансиска поддршка од