За оние кои се расположени да ги засукаат ракавите за да направат домашно рикота сирење, eве еден едноставен рецепт за кој ви се потребни само млеко, сок од лимон и околу половина час од вашето време

Рикота е популарно италијанско свежо сирење кое кај нас е прилично скапо, но со овој рецепт нема да имате потреба да го купувате затоа што ќе видите дека можете многу едноставно да го направите и сами.

Состојки:

2 л млеко

Сок од 2 лимони или 1/3 шолја дестилиран бел оцет

Лажичка сол

Приготвување:

Загрејте го млекото во едно тенџере и кога ќе почне да се пени и полека да отпушта пареа, додадете го сокот од двата лимони и солта па трнете го тенџерето од шпорет. Внимавајте млекото да не проврие.

Оставете го садот со млекото да отстои на собна температура 10 минути, а потоа веќе ќе можете да забележите дека се создаваат грутчиња во млекото и дека се одвојува жолтеникава, воденеста структура.

Со дрвена лажица поминете низ млекото и ако забележите дека останало уште доста млеко кое не е засирено, додадете уште една лажица сок од лимон или оцет и почекајте уште некоја минута.

Потоа процедете го сирењето низ густа ткаенина, добро заврзете ја и оставете да се цеди 10-60 минути, возависност од тоа колку суво сирење сакате.

Вака приготвено рикота сирењето можете да го чувате во фрижидер до една недела.