Дали миењето заби во времетраење од три минути е доволно? Што е потребно за да бидеме сигурни дека го намалуваме ризикот за кариес, периодонтитис и други заболувања?Како правилно да се одржуваат протези?

Загризување, џвакање, дробење – вашите заби работат напорно на секој оброк. Виличниот мускул со причина е најсилниот мускул во телото. Во исто време, при јадење, забите ги апсорбираат минералите од храната преку плунката, со цел да се поправат помалите оштетувања. Урамнотежената орална флора е важна за да се одржи овој процес на самолекување.

 

Бактериите влијаат на оралното здравје

Во устата има неколку стотици милиони бактерии – слично како во цревата. Тие се дел од дигестивниот процес, оралното здравје, па дури и од имунолошкиот систем бидејќи се борат со патогени. Ако оралната флора не е во рамнотежа, односно ако доминираат штетни бактерии, тоа може да резултира со кариес, крвавење на непцата или периодонтитис (воспаление на пародонтот). Една од причините за тоа: бактериите се хранат со преостаната храна. Тие ги претвораат остатоците од оброкот во наслаги, создавајќи метаболистички производи и киселини кои ја напаѓаат површината на забот или можат да влезат во непцата и таму да предизвикаат воспаление. Најдобрата контрастратегија и најефективната мерка за добра орална флора и чисти, здрави и убави заби е правилната орална хигиена.

Овие седум совети за нега на забите ќе ви помогнат:

 

Правилна техника на четкање

Со рачна четка за заби, вистинската техника на четкање е клучна: многу луѓе ги чистат забите со кружни движења. Сепак, притоа може да настане спуштање на непцата. Затоа подобро е да се практикуваат мали движења во насока горе-долу, од непцата до забот. Ова ги олабавува наслагите заглавени под линијата на непцата и на забот. Наредното  движење на четката треба да биде кон површината за џвакање. Површините за џвакање треба да се чистат со движења напред и назад. Севкупно, доволно е миење на забите двапати на ден по три минути. Доколку тоа трае подолго, може да дојде до оштетување на забната глеѓ.

 

Не пропуштајте ги интерденталните простори

Дури и при добра нега на забите, четката за заби достигнува само околу 70 проценти од површината на забот. Во интерденталните простори речиси не допира. Таму се собираат наслаги, бактериски биофилм, како и најмалите остатоци од храна – почва за кариес и периодонтитис. Затоа, многу тесните простори помеѓу забите треба да се чистат со забен конец еднаш дневно, а со интерденталните четки и по неколкупати. Вашиот стоматолог најдобро ќе ви покаже како да ги користите и двете без да ги повредите непцата.

 

Проверете го резултатот

Темелната и ефикасна орална хигиена вклучува годишен преглед кај стоматолог. Дури и кога немате никаков проблем, посетата на стоматолог еднаш годишно е задолжителна.

Само експерт може да дијагностицира дефекти како што се оштетување на глеѓта, расипување на забите или повлекување на непцата, кои најчесто се несимптоматски и незабележливи.

Исто така, професионалното чистење на забите е задолжително еднаш годишно.

Само така забите се темелно исчистени и полирани и не овозможуваат брзо таложење на забни наслаги.

 

Употребете само мал притисок

Преголемиот притисок е контрапродуктивен при четкањето на забите – наместо наслагата, се отстранува емајлот. Ако непцата крвават при чистењето, ова е јасен предупредувачки сигнал. За заштита, електричните четки за заби често имаат вградено предупредувачко светло. Со рачна четка за заби, тестот со кујнска вага може да помогне да се почувствува притисокот. За да го направите ова, лесно притиснете ја главата на четката за заби на вагата, приказот на тежина од повеќе од 150 g е премногу. Ако веќе имате дефекти при чистење на забите како што се жлебови или вдлабнатини или редовно страдате од повреди на непцата, не само што треба да внимавате на правилниот притисок, туку и да користите мека четка за заби. Сепак, нивната моќ на чистење е нешто помала – затоа е препорачливо да се чисти уште повнимателно.

 

Не заборавајте на јазикот

Она што многумина не го знаат: и на јазикот се собираат бактерии кои можат да предизвикаат лош здив, расипување на забите или воспаление. Затоа, јазикот треба да се чисти при секојдневната орална хигиена. За ова е погодна специјална стругалка или специјализирана четка за заби чија задна страна е обложена со гума за оваа намена.

Ова го намалува бројот на бактерии во целата усна празнина.

 

Нанесете доза дополнителна заштита

Елементот флуор во траги  е природна компонента на забите. Нанесен надворешно, ги зајакнува забите и го намалува ризикот од расипување на забите. Затоа, лекарите често го препорачуваат од моментот кога ќе никнат првите млечни заби кај децата. Добро снабдување со флуор може да се постигне со пастили или со специјална детска паста за заби. Светското стоматолошко здружение препорачува од шестгодишна возраст да се користи паста за заби што содржи флуор. Тогаш децата можат, на пример, да ги користат пастите на нивните родители (како пастата за заби Lacalut® aktiv).