На 2 месеци бебето ја држи главата во исправена положба со лесно нишање, а кога е на стомак ја подига и задржува со што ги јакне вратните мускули

Тоа е помобилно ако има играчки околу него, а движењата му се поприлагодливи.
Кон крајот на првиот и почеток на вториот месец слухот е поразвиен, а видот поизострен и гледа добро на 45цм од очите. Тоа сака да го гледа ликот на мајката и да разговара преку мрморење и гукање. На крај на 2 месец ќе ве награди и со насмевка.

Веќе дефинира што сака, што не, што го предизвикува неговиот плач, но и постепено воведува рутина во хранење и спиење. Рефлексот за цицање е јак и сака да се смирува со цицање прст, песница или цуцла.

Начини за СТИМУЛАЦИЈА на развојот:

- Зборувајте му на Вашето бебе, смејте се и правете весели звуци, пејте му песнички,
- Научете го да го следи Вашето лице или објектот во негова близина - тоа може да бидат играчки што висат во живописни бои, кои се движат лево-десно, горе-долу,
- Дајте му да почувствува различни текстури, кадифени и пластични играчки, ткаенини.