Теоретски, со нанесувањето на заштитен фактор за сончање (SPF) 100 и овозможувате на кожата престој на сонце 100 пати подолго, пред да биде изгорена. Значи некој кој нормално би изгорел за 30 минути, може да остане на сонце 50 часа?!

 

 

Но, за кремовите за сончање со висок SPF теоријата и реалноста се две различни нешта. Многу студии тврдат дека луѓето се заведени од страна на компаниите кои ги произведуваат овие кремови. Ако неправилно се користат овие прозводи за заштита на кожата од сонце, купувачите многу повеќе може да се изложат на штетните ултравиолетови зрачења, од оние кои користат кремови со понизок заштитен фактор.

Причина: Купувачите премногу им веруваат на производителите.

Постојат четири клучни факти против заштитните фактори повисоки од 50:

 

Маргинално подобра заштита од изгореници

Купувачите претпоставуваат дека заштитата на факторот 100 е двојно поголема од заштитата на факторот 50. Во реалноста, заштитата е занемарлива. Ако правилно се применува кремот со заштитен фактор 50, тој блокира 98% од штетните сончеви зраци, додека  кремот со заштитен фактор блокира 99% од штетните сончеви зраци. Ако правилно се користи кремот за сончање со заштитен фактор од 30-50 нуди силна заштита, дури и за луѓето кои се најчувствителни на изгореници.

 

Посиромашен баланс

Хемикалиите кои ги  формираат производите за заштита од сончевите зраци, а кои се насочени на блокирање на ултравиолетовите зраци, се главна причина за изгореници и отсуство на меланом, односно рак на кожата. Ултравиолетовите А зраци продираат подлабоко во кожата и е скоро невозможно да се блокираат со кремовите за сончање. Научниците знаат помалку за опасностите од УВА зрачењето, но општ консензус е дека последиците кои ги предизвикуваат се помалку очигледни, но посериозни. Затоа, што помалку на сонце!

 

Потрошувачите ги злоупотребуваат производите со висок фактор

Кремовите со висок фактор им даваат “слобода” на потрошувачите подолго да престојуваат на сонце и подолго да бидат изложени на УВА и УВБ зраци. Проктаени со лажно чувство на безбедност, луѓето го зголемуваат времето за престој на сонце, па како резултат на тоа се по изложени на УВА радијација.

 

Високите заштитни фактори носат поголем ризик за здравјето

Кремовте со висок заштитен фактор имаат повисоки концентрации на хемкалии од кремовите со низок заштитен фактор. Некои од овие состојки може да претставуваат ризик по здравјето кога ќе навлезат во кожата и се поврзуваат со оштетување на ткивото и потенцијално нарушување на хормоните. Некои од нив може да предизвикаат и алергиски реакции на кожата.

Американската работна група за здрава околина  апелира до производителите дека треба да престанат с о продажба на кремови со висок заштитен фактор. 

Во 2011 година FDA  предложи регулатива за забрана на кремови со заштитен фактор повисок од 50, затоа шт тоа е птотив природата.

Продажбата на овие кремови расте и не е чудно што компаните кои ги произведуваат се борат да ја зголемат продажбата со повисоки и повисоки фактори.