Смоквите со децении се користат во народната медицина, а нивната примена им се препорачува на оние што страдаат од покачен холестерол, бидејќи содржат повеќе влакна од кое било друго овошје или зеленчук

Само пет смокви дневно обезбедуваат повеќе од 20% од препорачаната дневна количина на влакна. Смоквата е и богат извор на калциум, магнезиум, витамин Б6 и калиум.

Превенција од рак

Научно докажано е дека екстрактот од смокви, нивната состојка бензалдехид придонесува за намалување на можноста за појава на тумори. Смоквите покажале одлични резултати за намалување на ризикот од рак на простатата.

Исто така, се верува дека помагаат и кај рак на дојката во периодот по престанувањето на менструацијата.

Го намалуваат холестеролот

Поради стеснувањето на артериите, може да дојде до инфаркт или мозочен удар. Освен холестеролот, врз оштетувањето на срцето влијаат и зголемените триглицериди. Докажано е дека смоквите позитивно дејствуваат на нивото на холестерол во крвта. Растителните стероли, како што се стигмастерол и ланостерол, што ги содржат смоквите, се врзуваат со молекулите на холестеролот во цревата и така ја спречуваат неговата апсорпција.

Превенција на срцев удар

Смоквите изобилуваат со омега-3 и омега-6, а тие се многу важни за здравјето на кардиоваскуларниот систем. Смоквите се добар извор на калиум, минерал што го регулира крвниот притисок.

Помош за лекување дијабетес

Поради количината на шеќер што ги содржи, на дијабетичарите им се препорачува да внимаваат при нивното консумирање. Сепак, ако се користат умерено, може да доведат до намалување на потребата за инсулин кај дијабетичарите.

Подобрување на помнењето

Редовното консумирање смокви ја спречува анемијата и го подобрува помнењето. Само четири суви смокви обезбедуваат дури четвртина од препорачаната дневна доза железо за организмот.

Против појава на акни

Направете маска од три свежи смокви и една лажица јогурт, па нанесете ја на лицето. Измасирајте се и оставете ја на кожата 15-20 минути за да исуши, па измијте ја. Истата маска можете да ја нанесете на усните за да се ослободите од испуканите усни и мртвите клетки.