Не сакам да се препукувам со никого, не сум тука за тоа, затоа ќе ви дадам еден предлог, па размислете.
Форумот сексуалност каде досега пишувавме да биде заштитен, пристап да имаат само возрасни членови, кои претходно постирале одреден број постови од кои може да се процени дека се работи за возрасни и изградени личности. Да се отвори подфорум за тинејџери каде може истите да се пријавуваат и пишуваат да се советуваат, исто така да добиваат совети и од нас возрасните, има и професори овде кои се обучувани да воспитуваат па би можеле и тие својот допринес да го дадат и да се најде и психолог кој стручно ќе одговара на темите и проблемите на овие членови и секако ќе пишуваат и родителите кои имаат деца на таа возраст од родителски аспект.
Знам дека има таков подфорум, но таму пишуваме ние родителите за нашите проблеми и справување со тинејџери, не е исто.
Причините за овој предлог се што еве веќе имаме членови кои се малолетни а пишуваат и читаат таму каде ние сме пишувале и не сме земале во предвид дека некој помлад, невин и неискусен ке го чита тоа. Доколку сакаме да им подадеме рака и помогнеме треба да го направиме тоа на вистински начин. Мора да си признаеме дека не се разговара исто меѓу возрасни и кога во присуство има деца. А од темите во форумот сексуалност тинејџерите може слободно да извлечат заклучок дека ние одобруваме многу што и возраста е сосема небитна по прашање на сексуалноста, а битна е и те како. И не сметам дека е корисно во темите бременост да се јавуваат со нивните стравови од несакана бременост, бидејќи таму пишуваат жени кои со години се борат со стерилитет и проблематична бременост и не им треба да читаат за неодговорностите на децата кои денес ги имаат пречекорено сите граници.