mother 29
|
РЕСТРИКТИВНО ВЕШТАЧКО ОПЛОДУВАЊЕ
Од државата само по едно дете од епрувета
На државен трошок може да се добие само едно дете од епрувета бидејќи, според правилникот на Фондот за здравство, им се плаќа ин витро само на тие што по природен пат не добиле ниту едно дете. Право на вештачко оплодување немаат ниту тие што веќе имаат едно дете по природен пат, а поради одредени компликации не можат повторно да забременат. Двојките заинтересирани за ин витро, но и лекарите, велат дека ова, дефинитивно, треба да се промени. - Имаме едно дете, кое е родено со ин витро, и наскоро ќе направи две години. Сакаме да имаме уште едно, но кога прашавме, ни рекоа дека не може, односно може само ако си платиме приватно - вели една наша читателка. Нејзина пријателка, пак, веќе има едно дете, но за време на породувањето настанале компликации и сега не може да забремени природно по вторпат. - Зошто јас да сум дискриминирана во однос на тие што воопшто немаат деца. И јас и другите сме осигуреници на Фондот, плаќаме секој месец и треба да имаме исти права - вели читателка. Од друга страна, додава таа, има пари за споменици и за изградба на објекти што не се неопходни. - Владата, навистина, постапува нелогично, од една страна бара да имаме по најмалку три деца, а од друга, не ни создава услови да раѓаме - реагира жената. Глигор Димитров, лекар што работи на вештачко оплодување во приватната болница „Ремедика“, објаснува дека имаат двојки што се интересираат за оваа интервенција, иако веќе имаат по едно дете. - Сега ги враќаме и им објаснуваме дека Фондот не плаќа за тоа. Би било добро да се промени правилникот и да им дозволиме на жените и второ дете со ин витро. Секогаш може да се каже дека нема повеќе пари, но сепак децата треба да се приоритет - вели Димитров. Во „Ремедика“ во првите три месеци од годинава ќе се направат 150 вештачки оплодувања, а има повеќе од 400 двојки што чекаат на ред. Минатата година на државен трошок беа извршени вкупно 1.510 вештачки оплодувања. Годинава Фондот за здравство, со четири приватни болници, склучи договори за вештачко оплодување. „Систина“ и „Ремедика“ ќе направат по 560 интервенции, 250 и се одобрени на гинеколошката болница „Плодност“ од Битола и 40 на „Ултрамедика“. - Засега не се планирани измени на правилникот бидејќи нема повеќе пари. Во овие услови, со ограничени ресурси, се трудиме да добијат дете барем тие што воопшто немаат - вели Дејан Гацов, портпаролот на Фондот за здравство. Во Министерството за здравство, кое би требало да ја крои здравствената политика во земјава, немаат став во врска со ова прашање. И место од нив да поттикне иницијатива за промени на подобро, тие велат тоа било во надлежност на Фондот, па тој нека реши.извор.време
|
Рингераја.мк користи "колачиња" за обезбедување подобро корисничко искуство, следење на посетеноста и приказ на огласи. Поставките за прифаќање на колачињата ги прилагодувате во вашиот пребарувач.
Дознајте повеќе.
Испечати
