|
arh_diz -> RE: Сакаме две црти!!! - II дел (22.8.2012 13:43:07)
|
Tie sto lecat neka se prijavat i legalno neka ja rabotat svojata rabota.
Eve eden tekst Полицијата во Србија месечно апси барем еден видовит, пророк, исцелител, надрилекар, чие мото е финансиски да оштетат болни граѓани или некој од нивните најблиски во тешка здравствена состојба, а кои се подготвени да го дадат и последниот динар, па и да се задолжат со цел да оздрават.
Сепак, поради благата казнена политика тие најчесто поминуваат со парични казни и си ја продолжуваат работата, па така полицијата откри дека некои гатачи со флаширана минерална вода лечеле заболени од рак.
Статистиката покажува дека повеќе од 70 отсто родители ги воделе своите деца на надрилекари, на кои месечно во просек им плаќале од 5 до 15 илјади евра.
Освен изработка на амајлии кои лечат од најтешки болести, таа за висока сума на пари лечела и со биоенергија на далечина. Полицијата утврдила дека амајлиите ги изработувала по цена од пет динари, а на граѓаните им ги наплатувала и до 25.600 динари.
Според криминологот Душан Стошиќ, за надрилекарите и слични измамници заедничко е многу ниското ниво на образование и фактот дека работата со која се бават е илегална, значи се казнува, но тие не се во затвори.
- Луѓето многу ретко се одлучуваат да пријават гатач, бидејќи не сакаат да си признаат дека се измамени, а кога тоа ќе се случи, се плашат од одмазда бидејќи и самите веруваат во нечовечките моќи на тие луѓе. Од друга страна, многу тешко е законски да се казнат такви измамници, бидејќи нема доволно докази затоа што луѓето парите ги даваат доброволно, колку што имаат, по непишани ценовници. Поради тоа, само со парични казни, надрилекарите многу брзо продолжуваат со истите измами, објаснува Стошиќ кој истражувал многу вакви случаи.
Според психолозите, во природа на човекот е да бара алтернативни решенија кога официјалната медицина ќе ги исцрпи сите можности за лечење. На некои заболени, посебно во случаи кога болеста има и психолошка основа, надрилекарството барем привидно помага.
Се работи за силна сугестија и верување во надрилекарот дека неговиот метод е успешен. Вакви методи имаат плацебо ефект, т.е. ист ефект кој понекогаш се постигнува со замена на лекот со апче кое нема никакви терапевтски својства, а пациентот може да почувствува подобрување.
- Причините за зголемениот број на ваков тип на лечење не се само необразованост и неинформираност, сметајќи дека постојат податоци за тоа дека бројот на надрилекарите во Србија во последните 15 години дупло се зголеми, како и тоа дека таа појава може да се сретне и во големите градови. На семејството и на пациентот им е тешко да прифатат дека нема лек, па бараат решенија кои ги нуди надри медицината. Луѓето за тоа ретко зборуваат, а и тогаш најчесто само на лица во кои имаат доверба. Тоа е една од причините што само по некој надрилекар ќе се најде на обвинителна клупа, додека другите непречено продолжуваат со својата пракса.
|
|
|
|